Miskien is die lewe maar net 'n warrelbos
wat groter word met tyd;
of wat sneeubal...koud...rond...gevaarlik...
wat al hoe groter word van verwyt...met tyd.

Miskien is almal net 'n holderstebolder
soos die hamster se wilde speelding
wat rondjaag en nêrens kom...
al glo jy dit in jou verbeelding!

Miskien is die aarde rond van grond
wat elke dag draai en draai;
die wete van spoed altyd teenwoordig
wat eendag skielik gaan stil staan...
en weg waai...

Miskien is die mens maar net van stof,
al het dit grade met lof
en dure Duitse motors opgetof...
dit bly maar net...stof...