Titel: My dogtertjie - deur Greta Greer

Ek het 'n dogtertjie
wat soos die grys duif koer.

Daar is druppeltjies
silwer reën
in haar donker oë vasgevang
en sy haal saggies asem
in 'n lyf
gegeur met geel lemoen
sy draai sonstrale
in haar vlegsels vas
en wipstap koel spoortjies
my hele hart vol

en as sy haar hande saamvou om te bid
draai sy my in goue spinnerakke toe.

- a gedig deur my ma, Greta Greer. Sy is altyd in my gedagtes en my hart - en sal verewig my inspirasie bly.