Gedigte

Deel hierdie werkstuk met jou Facebook vriende

Moedeloos hang die smartkleed om my lyf.
My skouers rou geskaaf deur die grof geweefde stof.
My hart voel seer....... soos die skouers.
Bloed vlek die nate daar, al purperrooi.

Mense oe! En ah! Oor die pragtige kleure.
Want almal sien die oё en smiles, agter skanse.
Die muurtjies om my hart, help die pyn verberg.
Mooi en goedbedoeldewoorde dryf my na die pers.

“Dit gaan nog jare neem” sê hulle vir my,
En die groen oor hulle lewende vreugde-kinders draai my vas!
Blou is my elke dag, want ek huil alleen...... sag,
Oor my mooi, my pragtige dogter-nooi.

Rooi, oranje, geel voel die brand in my flenter gemoed,
Wanneer ek wonder- het sy na haar ma geroep?
Of het sy van die begin af haar Here en sy engele daar gesien?
Ek is kwaad vir niks, niemand en almal, want my kind....
Is DOOD!!!

Ek soek die swart en donkerbruin
Van bitterheid en gal.
Die waarheid swiep en klief deur my
In helder wit en in kristal.

Hy was my skoon en klee my in witter as wol
Hy plaas op my hoof ʼn skitter-pêrelkroon.
En ek sien my kind, my pragtige dogter-nooi
Wat in eerbied en liefde, kniel voor Sy troon.



Spaar Geld op Versekering

Kommentaar

rou'seer, stunning gedig!
4 jaar 5 maande 4 weke 8 ure oud


--
Mense oe! En ah! Oor die pragtige kleure.
Want almal sien die oё en smiles, agter skanse.
Die muurtjies om my hart, help die pyn verberg.
Mooi en goedbedoeldewoorde dryf my na die pers.
--

Ai Annalie. hierdie gedig is net so meesterlik geskryf soos al jou ander... en het jy my gedagtes {alweer} heeltemal ge{hijack} met die "skanse van die smartkleed..."
4 jaar 5 maande 4 weke 10 ure oud



Van ons Premium+ lede

Jesus, die Doper met die Gees

deur Christo Nel

In die taal en idioom van Afrikaanssprekende mense neem Christo gelowiges na die sowat 319 verse in die Bybel waarin daar direk na die Heilige Gees verwys word.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar