Gedigte

Premium+ Lid Premium+ Lid
Deel hierdie werkstuk met jou Facebook vriende

Die winterwind sny deur been en steen
’n vrou wat troosteloos ween.
Die oopbek murasie grynslag
Vir die koms van nog ‘n nuwe dag.

'n Afgebrande plaasopstal vertel ’n hele storie
van Boer teen Brit, se hartseer en se glorie.
Die komando vertrek die donker nag in.
Was dit die einde, of die begin?

In die oë van ‘n seun was sy pa ‘n held,
wat gaan veg vir sy land op die oorlogsveld.
In die oë van ‘n pa word sy seun ‘n man,
op wie hy reken om te doen wat hý nie kan.

Die plaas word ‘n afgebrande oorlogsveld,
maar die seun nie die beloofde oorlogsheld.
Net ’n bang kind wat verskrik weggekruip,
sien hoe die Kakies sy hond versuip.
Die opstal en elke mooi herinnering,
word verswelg deur vlamme tot ’n hersenskim.

Die reuk van roet en verminkte diere is in sy gees gebrand,
maar dieper nog die haat en verwyt
wat skroei deur sy verstand.
Soos die plaasopstal met hol oë,
waar daar eens vrolike vensters was
is sy hele wese nou gloeiende as

© Evanthe 2015



Spaar Geld op Versekering

Lucky Lottos

Kommentaar

Nasie se murasie
Nasie se murasie is geen sensasie waar kind tot held aan verwoesting oorgelaat word.

Goed neergepen.
4 jaar 5 maande 3 weke 6 dae 14 ure oud


Nasie se murasie
Baie dankie vir jou pragtige bydrae tot die BOUVAL EN WRAK projek.
4 jaar 5 maande 3 weke 6 dae 18 ure oud



Nuutste werk ingestuur binne die afgelope 7 dae


Geborg deur :

Van ons ander lede

Sonsoene

deur Doret Johnstone-Robertson

In hierdie versameling verse is daar telkens verwysings na die natuur: die son, die maan, die sterre, blomme, seisoene; en ook na God - die bron van inspirasie, vrede en vreugde.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar