Die lewe is n seer in my
glas in my are
want ek het jou nie
en daar is niks wat ek kan doen om jou te kry nie , jy
is so deursigtig mooi , maar
vir my is jy verbode , tog


is God genade , want n mens
gaan nie dood nie , jy word net onsigbaar
en kan enigiets doen , so dalk
hoef ek nie te voel nie , en miskien
word ek net onsigbaar
en kan so by jou wees

Alles , jou oë , jou siel , jou trane ,
jou vel , jou liggaam , jou hande ,
jou asem en ljou lag ,
jou nag en jou dag
alles kan ek altyd
aanraak en nooit ophou om
die liefdesdeel van God se skepping
wie jy is te ervaar nie .
Maar vir nou en tot dan
is ek n mens en tyd n kruis
en die lewe spykers in my hande
want ek het jou nie
en dit is nie God se wil
dat my hande loskom nie , net
net dat my arms uitgestrek
om my mis te meet uitgestrek bly

As ek my gees stukkend
In Sy hande oorgee
wil ek hê jy moet weet
dat Hy jou gaan sien


- Cornè Etchells