Donker-vroeg môre in die koue van die Kaap;
die kenmerkende geklank van die trollie wieletjies in die straat

Met klere klam en verslete;
soms halfdronk en vol skete

Hulle sê hul skarrel vir hul daaglikse brood;
" ons het niks meneer, ons is in die nood"

Hulle soek vir n weggooi kossie;
iets met waarde sal hul nie los nie

Hulle trollies word hoog gelaai;
die pryse vir scrap is maar taai

Hulle is bly hul dag is verby;
hul het die oorskiet van die rykes gekry

So skarrel óns ook elke dag;
vir geluk wat op ons wag

Die eise van ons lewe is soms taai;
maar dankbaar dat ons genade kan maai

"Ons het ook maar niks my Heer, óók ons is in die nood"
Dankie vir ons daaglikse brood!