Gedigte

Bladsye:
Premium+ Lid Premium+ Lid
Deel hierdie werkstuk met jou Facebook vriende




Jy is oordwars vertrap, verslof,
deur bees en bok oorwei
en sonheet rol die donkies stof
waar vrugte eens gedy.

Die syfering -waar veergoed les-
is nou verharde rots;
die kweperlaan waar voëls nou nes
was kindtyd Ma se trots…

Die plaashuis stal vernielsug uit
met afgesteelde dak;
en gate wat eens vensters was
verspook met naggeluid!

Die opgaartenk, knus teen die skuur,
lê omgeval, verroes,
gestut deur afgedopte muur
en rankrose wat kroes.

Die widpomp kan nie maneuvreer
in soek na wieldraaiwind
want vlerkloos, lank en uitgeteer,
lê hy reeds roes-ontbind…

O, Boereplaas, geboortegrond,
my hart, my siel bly skree
teen onreg van die ‘nuwe bond`
wat vat en nooit t’rug gee…



Spaar Geld op Versekering

Lucky Lottos

Kommentaar

Sjoe!
Ja, dis regtig goed geskryf . . .

Bitter hartseer!
5 jaar 2 maande 1 week 2 dae 13 ure oud


onteien...
Baie opregte eerlike skrywe...kan self nie weer gaan kyk nie...want jy was reeds daar..!
Dankie vir die deel..
Vrede
5 jaar 2 maande 3 weke 6 dae 3 ure oud


Bouval
Uitstekend geskryf, hoort in diue topdrie. Baie geluk
5 jaar 2 maande 4 weke 23 ure oud


Onteien
So hartseer, maar 'n ongelooflike skrywe. Regtig puik.
5 jaar 3 maande 5 dae 1 uur oud


***
Ek ditto ook vir Rudi. Uitsonderlike werk, K.
5 jaar 3 maande 6 dae 17 ure oud


bouval
Baie, baie goed, Koekekranka. Hartseer verhaal, maar 'n werklik mooi gedig :-)
5 jaar 3 maande 1 week 1 dag 18 ure oud


Onteiening (Projek Bouvalle en Wrakke)
My ouma het altyd gesê; dat jy nooit moet terug gaan van waar jy af gekom het nie. Die hart sal dit nie verwerk wat dit op daardie stadium sien. Hier kom jy en verwoord dit op 'n meesterlike manier.
5 jaar 3 maande 1 week 2 dae 20 ure oud


Onteiening
Baie mooi beskrywend - maar dus so hartseer.
5 jaar 3 maande 1 week 3 dae oud


Onteiening
Ek ditto vir Rudi. My hart bloei soos ek deur die gedig lees. Prag werk!!
5 jaar 3 maande 1 week 3 dae 18 ure oud


Eien
Om daar niks mee te maak, behalwe verwaarloos! My hart en siel gil saam! Uitstekend!!
5 jaar 3 maande 1 week 3 dae 19 ure oud


die weervoorspelling
digkuns op sy allerbeste.
***************

n vers om op trots te wees.
n Vers om op jaloers te wees.
5 jaar 3 maande 1 week 3 dae 23 ure oud


Onteiening
Baie dankie vir jou pragtige bydrae tot die BOUVAL EN WRAK projek.
5 jaar 3 maande 1 week 4 dae oud



Nuutste werk ingestuur binne die afgelope 7 dae


    Geborg deur :

    Van ons ander lede

    Kruispad

    deur Manie Jackson

    Toe Luzette en Manie se paaie gekruis het, en die lewe daarna.



    picture

    Kompetisies

    Kyk watse opwindende kompetisies tans beskikbaar is

    picture

    Nuusbriewe

    Registreer nou om nuusbriewe van Woes te ontvang

    picture

    Winkel

    Woes skrywers wat self publiseer se boeke is in die winkel beskikbaar