Gedigte

Premium+ Lid Premium+ Lid
Deel hierdie werkstuk met jou Facebook vriende

ń Vaartuig sonder remme
ń kreatiewe uitlaatklep
Waar digters met goue penne
emosies soos skilderye
op blanko vel kan skep.

Hetsy dood of siekte
of ń ode oor geluk
ń traaglied oor die liefde
wat die hart se snare ruk.

Penne sonder brieke
soos die een wat Rudi ry
Gorrels en rubrieke
digterswoorde wat bevry.

Nes Anze se ou windpomp
het ons sinne ook verlep
soos ons stomme woorde
uit stille waters probeer skep.

Waar ons in Afrikaans
ons hart se taal kan praat
en woorde kaalgat tussen lyne
nog aan die siel kan raak.

Deur turbulente tye
staan WOES vrinne bymekaar
ons pik soms saam ń traantjie
en lewer kommentaar.

Ons kanaliseer ons seerkry
wég van dit wat krap
inspireer ń ander
wat op hartseer weë stap.

Hier waar die son
oor jou en my mag skyn
waar ek en jy ons inspirasie
in ń inkpot kry...

Gevoelens wat diep geraak het
kon ek vrylaat in die wind...
Soos loopdop Doep se nasaat
het ek myself op WOES kom vind.

Ek groet maar neem nie afskeid nie
ons is met ink gebind.
waar woorde uit ons penne vloei
sal ons mekaar weer vind.



Spaar Geld op Versekering

Lucky Lottos

Kommentaar

Mooi afskeidsskrywe.
Al brand die kuberbymekaarkomplek ook af, sal die mense agter die woorde weer 'n eetsaal kry.
Ja, hopelik sal ink ons bymekaar kan kry!
Woes is dood, lank lewe ink!
4 jaar 9 maande 2 weke 6 dae 1 uur oud


Penne sonder brieke
Pragtige werk hierdie, so waar, hou baie die laaste strofe. Ja waar sal ons mekaar weer raak lees.
4 jaar 9 maande 3 weke 1 dag oud


Penne
Se jy nou her so pragtig wat ek nie kan se nie.
Ek groet maar neem nie afskeid nie....
Wie weet, dalk eendag.
4 jaar 9 maande 3 weke 1 dag oud


Penne sonder brieke
Pragtig geskryf en opgesom!

Hoop om jou weer raak te lees.
4 jaar 9 maande 3 weke 1 dag 2 ure oud


Ink
Ai, jy sê dit baie reg en baie mooi . . .
4 jaar 9 maande 3 weke 1 dag 6 ure oud


penne
Ek stem saam met Koos. Jy skryf pragtig. Erens moet ons mekaar weer raakloop :-)
4 jaar 9 maande 3 weke 1 dag 12 ure oud


penne sonner brieke
Pragtig.
4 jaar 9 maande 3 weke 1 dag 12 ure oud


Penne
Loretta,
wat 'n pragtige vers het jy hier geskryf!!!! Jammer dat die stemme nou moet stil raak sonder Woes. Ek dink jy het baie talent, moet dit nooit onder die maatemmer wegsteek nie. Bon voyage!
4 jaar 9 maande 3 weke 1 dag 13 ure oud



Nuutste werk ingestuur binne die afgelope 7 dae


Geborg deur :

Van ons ander lede

Lelani

deur Rachelle du Bois

Lelani Botha bestuur die eksklusiewe boetiek op die dorp. Sy is beeldskoon, stylvol en kunstig. Maar sy dra swaar aan ‘n geheim waarvan niemand weet nie. Tot hul botanis buurman Leon Postma haar eendag betrap in ‘n situasie wat sy nie langer kan wegsteek nie. Hy weet nou baie meer as wat enige ander mens van haar weet en sy verkwalik hom daarvoor. Hy het geen reg om te weet nie. Sy is pragtig, vurig en wantrouig. En sy is in Leon Postma se lyf, in sy kop en sy bloed. Hy sal vir haar ʼn brug oor die water bou wat haar na hom toe sal bring. Of so hoop hy. Maar Lelani bied hewig weerstand teen haar groeiende aangetrokkenheid tot Leon. Sal sy toegee aan die man wat soos ʼn koors in haar binneste kom intrek het? Sal sy uiteindelik die brug na hom toe oorsteek?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar