Gedigte

Titel: Pool Games
Deel hierdie werkstuk met jou Facebook vriende


'n Mot fladder mal om die buislig
en valvlieg oor die groen vilt.
'n Swart punt ruk die gekleurde orde en
die vuil-wit ghoen word in die bondel gevang.

Die juke-boks skree van 'n motherfucker
en kaboutertjies sweef tussen
rookwalms en quarts in die halfdonker rond-
soek 'n tweerand vir nog 'n game.

Primordiale drange dring deur my wees,
verstoot my gees...
permueer my lendene
en lê my eties lam.

Wulpse donsdosies slang
op die ritme van 'n bier...
en die queen rol in die gat-
game over.

Dit proe na kots en wyn,
ruik ongewaswarmgoedkoop
en wek vigswesies
in dronk samesyn.

En die mot val in die bier...
poeierdans 'n doodsriel in die glas.
Al om en om en om en
dryf dan stil in die goue vog.



Spaar Geld op Versekering

Lucky Lottos

Nuutste werk ingestuur binne die afgelope 7 dae


Geborg deur :

Van ons ander lede

KOPERMAAN tot SPIKKELPELIKAAN

deur Viooltjie

Hierdie bundel bevat 80 oorspronklike gedigte wat vir enige leser toeganklik sal wees. Dit is gedigte waarmee mense kan identifiseer. Dit sal jou nie onaangeraak laat nie. Natuur, omgewing en bloot net ménswees kom baie sterk hierin na vore.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar