Gedigte

Premium+ Lid Premium+ Lid
Deel hierdie werkstuk met jou Facebook vriende

FRAGMENT I

In ongereelde nagtelike besoek,
immergroen soos eerste liefde,
kom jare later tog jy na my
en ruimskoots wys jy huis.

Van vertrek na volgende vertrek
herinner jy my om te blaai,
te lees aan die vermaning aan my,
neerskrywer van profeetwoorde.

Soek jy, Barug, roem vir eie ego? Staak dit!
Ek tref die mens met rampe en, profeteskrywer,
jý sal aan die rampspoed nie volmaak ontsnap,
dog wel net met die lewe jou gegee.


O, Here, spaar my die ellende
en laat my maar net skryf!

FRAGMENT II

Die prater van preekbare woorde,
kyk skielik stip na die vrou
neffens my soos 'n siel.

"Lees wat Moses vir Aäron sê!"

Haar moed versink,
dring mý om die opgelegde woorde te praat:

Kyk! Die altaar. Kom nader.
Jý, praterpriester,
bring die offers,
dié vir sonde en dié wat brand,
vir jouself.


Ingekeer pluk ek veldblomme soos van ouds,
stapel dit op gras op klip op die koppie
anderkant die spruit onderkant die opstal.

Die vuurhoutjie vonk soos van weleer,
spring as vlam in in die droogheid van gras in
en verskroei elke ydel tekstuur en kleur en geur.

Bring dán die soenoffer vir jou en jou mense.

Ek soen, Here.
Ek, priester, soen my mense – van ma tot beminde,
maar, heerlike Here, hoe offer mens 'n soen?
Dalk die skropvrou se hand in myne?
Bleek lippe wat op bruin vingers jammer sê?
Is dit dié offer?
'n Soen in seep?

Eers daarná, vir die ganse volk,
doen jý versoening,
nes Ek beveel.


Nee, Here, nou gaan U gans te ver.
Om hierdie dwarse volk tot teenaan U te louter
brand niks in my immers heet en hoog genoeg
behalwe …

behalwe dalk my woorde,
woorde wat boontoe walm
in meedoënlose gebed.

FRAGMENT III

Stamverband is as kwessie netelig,
herkoms en afkoms heel verdag
in hierdie bedeling se geslag,
maar ek,
ek weet ná jare
Issaskar is my stam:

Die tye se tekens is mos geen geheim vir my,
en heimlik wis ek wat gedoen moet word,

maar geloof in hierdie tekens se vertolking
en dade dienooreenkomstig
ontbreek.

O, die wete van wéét smeul!

Dié boytjie is glo soos van Nasaret
en daaruit kom tog geen profeet,
watwou nog na hom luister!

FRAGMENT IV

Op U kan ek nie altyd reken nie,
nie wanneer my geld ongeldig bly,
my arms en hart leeg,
my kragte in depressie
laer trek in liglose dieptes.

Nee, wisselvallig soos 'n stroom in die Karoo is U:
My pyn is bodemloos en brak;
my wonde bly bloei.

Swyg! Trek terug jou woorde,
die snert in wat jy sê,
en Ek verhef jou tot my diens.

Laat woorde waarde hê,
dan praat jy namens My.
Want mense moet jóú volg;
nie jy vir hulle nie.

Húlle sal jou alkant beveg,
Maar Ek, Ek jou Here,
jou redding en jou hulp,
is by jou wat tans twakprater is.


En alles verstil.

Here, my Here,
die guns van mense soek ek nie,
ook nie wanneer my praat bloot benoude babbel is nie.
Verlos my en my lostong van ons lompheid.

FRAGMENT V

Salf help genees,
so sê die dokters,
maar U salf my seer anders:

Met goeie nuus
stuur Ek jou,
met 'n lag en 'n lied,
stuur jou met my woorde:
die onvryes raak só vry
van elke vreemdbekende hel.


Om mý dreig nuwe mure,
waaroor u woorde spring.



Spaar Geld op Versekering

Lucky Lottos

Kommentaar

Oor profete, woorde en wéét . . .
"Húlle sal jou alkant beveg,
Maar Ek, Ek jou Here,
jou redding en jou hulp,
is by jou wat tans twakprater is."


Jou hele gedig is briljant ~ maar hierdie is . . . – is Woord!
3 jaar 5 maande 1 week 11 ure oud



Nuutste werk ingestuur binne die afgelope 7 dae


Geborg deur :

Van ons ander lede

Maalkolk

deur Rachelle du Bois

Adele Coetzee will nie vir Francois Bekker as nuwe plaasbestuurder op Goedgeloofd hê nie. Sy kan self hul familieplaas bestuur. Francois is ‘n indringer en hoort nie op die plaas nie. Sy vertrou hom nie, maar Francois besluit dat hierdie tierwyfie getem moet word. Deon Kelder woon op die buurplaas Goedehoop en hy is verlief op die misterieuse nuwe onderwyseres by die plaaslike laerskool, Madri Viljoen. Waarvoor het die hoogsbegaafde Madri gevlug en wat kom maak sy hier op Heidelberg? Hy wil haar hê, maar dis toe nie so maklik nie, want haar pynlike verlede kom staan soos ‘n skim tussen hulle. En wie is Alex ….?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar