Gedigte

Premium+ Lid Premium+ Lid
Deel hierdie werkstuk met jou Facebook vriende

Here Jesus,
hoe heeltemal was U méns se kind?

Ook eenmaal in my puberteit
vra ongevraagd my lyf sy vrae:

saam met groot voete en hande,
die eerste hare elders op die lyf,
die sakke se sak,
die skuur en wikkel wat prikkel,
die lyfskuld vir uiteindelik lekkerkry,
die verkennende medespel met maats,
en die ekstase van verlief se melankolie,
ken U die drif van drange?

Here Jesus,
hoe heeltemal was U méns se kind?

Nimmer meisie of later vrou
stel ongevraagd haar lyf sy vrae:
met die swel van bors en tepel,
die eerste maand se bloeisel,
en elke maan-maand later,
wat onbeheersd bui en buik beheer
tot, volwaardig vrou en broeis,
die buik swel in swangerskap
vir kraam se pyn se kind bring
aan 'n naelstring … lewenslank,
tot ongetroos die menopoos,
onverwags en wie weet wanneer,
bui en buik treffend tref,
ken U, 'n man, 'n vrou se lyf?

Here Jesus,
hoe heeltemal was U méns se kind?

Dekades ouer as wat ú lyf ooit was,
vra ongevraagd my lyf sy vrae:

met hart, long en lende wat verlangsaam,
en ledemate wat stram beswaarlik strek,
en gewrigte wat ontwrig hul greep verloor,
en ore wat verdoof,
en oë wat verdof,
en onthou wat vergeet word;
ken U die angs van oudword?


Met jou kinders wat huis verlaat,
die heengaan van 'n lewensmaat
'n vriendekring wat verskraal,
'n ouetehuis se omset van oues,
ken U die angs van verlies?

Here Jesus,
hoe heeltemal was U méns se kind?



Spaar Geld op Versekering

Lucky Lottos

Kommentaar

Seun . . .
Wie het nie hierdie (soort van) vrae iewers êrens gevra nie?

Ék weet (meer en meer) Hy hét vollédig méns geword. SEUN VAN DIE MENS .

Vir my as vrou ook. Anders sou Hy byvoorbeeld niks verstaan het van my bulterriërdae net voor die maan(n)d se stond wanneer die storm so erg kon woed dat ek maklik, maklik sonder 'n oog se tweekeer knip, moord sou kon pleeg nie. Vir die geringste. Hy sou my dus moes uitwis. Hy het nie. Hy het my deur Sy Gees elke keer gekeer, gekalmeer, ge-vrede. Hoe langer hoe meer.

Hy is JHWH = EK IS. Maarten Lüther vertaal dit: ICH WERDE SEIN DER ICH SEIN WERDE. Of soos my dagstukkie vandag sê:
"No matter how dark the night, the unseen God is ready to respond appropriately to our need." (Dave Enger, Our Daily Bread)

Jou gedig is weereens uitstaande, uiterste KUNS.

3 jaar 5 maande 1 week 4 dae 19 ure oud



Nuutste werk ingestuur binne die afgelope 7 dae


Geborg deur :

Van ons ander lede

Vergete Pioniers

deur neels claasen

n spoorwegroman uit die sestigerjare



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar