Titel: Skryf my naam

Skryf my naam
    met     jou
toon in die seesand
vinger op ‘n stofplaat
oë tussen die wolke
neus teen ‘n wasemruit
mond op my wang
in graffiti en kalligrafie

noem my op die naam en
skryf dit in die palm van jou hand

maar jy het my naam vergeet
en eers tussen verlepte blomme onthou
in bittere beitelletters
as epigraaf





ns: mense wou eerder die woorde hoor en
blomme ontvang toe hulle gelewe het