Gedigte

Deel hierdie werkstuk met jou Facebook vriende

vandag wil ek net
gedagtes in ink
op papier kom skets
soveel hoekom en waaroms
in die lewe sonder antwoord
soveel rou sere
waaroor rowe
nie wil groei

herinnerings koggel
van agter geslote hartsdeure
as emosies in bankrotskap klop
aan jou hart se binnedeur
en jou hart makou-hees huil
as jou hart stukkend skeur
oor dit wat was en
dit wat steeds moes wees

soveel seerkry paaie
onverstaanbare padpredikante
om die weg te wys
kwetsende haelbuie
oor ons lewenspad gesaai
waar ons die redes slegs moet raai
nooit weet uit watter rigting
die wind volgende sal waai

verlange wat jou jaag na toring-rotse
waar see-sproei met jou trane kan meng
die wind se sout-asem jou verlange tem
mag die swaeltjie in sy vlug vir jou antwoorde bring
oor hoekom daar nie rowe oor die sere wil groei
die eelte op jou knieë vir jou genesing bring

© Anzè Bezuidenhout

* Soms gebeur dinge in 'n mens se lewe wat jy glad nie verstaan, soos die dood van 'n geliefde. Hierdie vers word opgedra aan elkeen van ons wat al by die oop graf van 'n geliefde moes staan ... vandag verlang ek sommer net na my oorlede moeder, ek kan steeds nie verstaan hoekom haar aardse reis moes eindig nie...



Spaar Geld op Versekering

Lucky Lottos

Kommentaar

hoop
'n Gedig waarmee ons almal kan vereenselwig. Ons het almal seer en vrae in hierdie gebroeke wereld maar daar is altyd hoop - "mag die swaeltjie in sy vlug vir jou antwoorde bring"
4 jaar 8 maande 4 weke 6 ure oud


leeg
Hoeveel keer staan ons nie met "emosies wat in bankrotskap klop" nie.
4 jaar 9 maande 4 dae 21 ure oud


seer
Pragtig Anze, net iemand wat al so seer gekry het en langs 'n oop graf
gestaan het kan so diep en seer skryf. Goed geskryf!!
4 jaar 9 maande 1 week 19 ure oud


Ano
Rou
Die verlange bly, al verloop daar baie tyd, maar dalk vra jy die verkeerde vrae, want daar is geen antwoorde op die hoekom en waarom's nie.
4 jaar 9 maande 1 week 1 dag 1 uur oud


Rowe
Daar is net een geneser wat van buite en binne af werk, dit is die Here. Pragtige skrywe, uitstekend!
4 jaar 9 maande 1 week 1 dag 15 ure oud


Rowe
Ons is net aan mekaar geleen en op een of ander tyd kom eis Hy op om saam met Hom terug te neem. Nietemin bly dit seer vir die wat nog agterbly en bly die plekkies leeg.
Dankie Anze!
4 jaar 9 maande 1 week 1 dag 20 ure oud


Rowe
25 Jaar gelede moes ek twee kinders in twee dae se tyd in die Here se sorg plaas. Daar was soveel vrae. Vandag 25 jaar later kom die antwoorde nog. Meer antwoorde as wat ek gevra het.
Dankie Anze dit is 'n seer gedig wat mens ver terug neem 'n mens laat terug dink en terug verlang.
4 jaar 9 maande 1 week 4 dae oud


Rowe
Dankie Anze . . .
4 jaar 9 maande 1 week 4 dae 5 ure oud


Rowe,
Rowe bedek sere; hulle maak dit nie gesond nie. Die seer word van binne gesond. Mens kan die seerplek hier raaklees. Groete.
4 jaar 9 maande 1 week 4 dae 17 ure oud


Rou
Pragtige vergelykings wat die seer lewendig maak.
4 jaar 9 maande 1 week 4 dae 18 ure oud


rou sere
anze al is dit hoe moeilik moet ons onself altyd troos om daaraan te dink dat hulle op n baie beter plek as hierdie aarde is. Hierdie ou wêreld is maar tydelik maar ons hemelse tuiste ewig
4 jaar 9 maande 1 week 5 dae 4 ure oud


Rou sere
Dankie Anze! Absoluut treffend met woorde en beelde gedoen en hou baie van die slotreel!
4 jaar 9 maande 1 week 5 dae 6 ure oud


***
Pragtige gedig met baie mooi woordbeelde. Dankie, Anze.
4 jaar 9 maande 1 week 5 dae 11 ure oud


Seer
Dis 'n baie mooi gedig, Anze. Party dae verlang 'n mens net meer as ander.
4 jaar 9 maande 1 week 5 dae 12 ure oud


Rou Sere
Dis n pragtige werk Anze! Ek kan my lewe nie sonder my moedertjie voorstel nie en is so geseen om haar nog in my lewe te he!
4 jaar 9 maande 1 week 5 dae 13 ure oud


Schalk Le Roux
Schalk Le Roux
Rou...
Dis mooi!
4 jaar 9 maande 1 week 5 dae 14 ure oud


rou sere
MOEDER

VAN MEKAAR BEWUS GERAAK MET DIE KLOP VAN BEIDE SE HART
MET HARTE IN TANDEM HET MY OMGEE MOEDER SPOORTJIES KOM TRAP
IN MY OPGROEI EMOSIE GROND-EN VANDAG MET VERLANGE HAAR ASEM MIS
MOET EK OPKYK EN WONDER WANNEER ONS WEER SAL SIEN

VANAAND ROEP EK NA JOU-MY MA,VANAAND IS DAAR N STUK BROOSHEID,
WAT BROEI EN KOM NES MAAK IN MY BORS EN DIE ASEM UIT MY PARS
MET VRAE STEEDS ONBEANTWOORD-MAAR WETEND DAT MOEDERS GEBEDE
DIE VADER SE OË OP HIERDIE STUKKEND MENS LAAT FOKUS HET

DIE VADER IN DIE HEMEL AG SLAAN OP OPREGTE MOEDERS GEBED
EN SAGGIES EN TEER TRAP OP HIERDIE SOEKENDE SIEL
DANKIE VADER-DANKIE MA-VANDAG DRA EK JOU GEBED VOORT
NA N STUKKEND WERELD DAAR BUITE WAT OOK KREUN VAN LEED

MY HART KLOP SAG EN GERUS-DAN KAN EK JAMMER EN DANKIE SĚ
DIE TERUGKYK NA SKADE GEDOEN-OMRUIL VIR N TOEKOMS BLIK
DIE TOEKOMS DEUR VADER GESEЁN-N INKEER OOMBLIK
AAN MA OPGEDRA EN KAN SĚ-DANKIE PA-DANKIE MA
Alec Carte Copie reg
4 jaar 9 maande 1 week 5 dae 14 ure oud



Van ons ander lede

vir koeitjies en kalfies

deur Doret Johnstone-Robertson

'n Lekkerleesboek met kort stories vol liefde, spesiaal vir vrouens en kinders.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar