Plaasskool toe
gooi ek ’n slungel wind-af
verby die sinkputte en die bloekombos
en Oom Mostert se garage.
Oom Mostert is skoensole onder ’n kar.
Oom Mostert, Lida se pa.
Elke oggend borsel Lida se ma
haar kinders se tande
met ’n strepie Kolynos
en was hulle hande
oor die ghriesbespatte wasbak
met die verlepte varing
in die venster.

So ’n sorgsame gebaar
wat moet opmaak vir als...