sleg
baie sleg
my liefling meisiekind
vir ewig en altyd weg!

die erosieslote oor my wange
deur stormtrane weg gekalwe

dit reën uit my oë
my hartsrivier styg hoër
tot dit deur die walle breek
na 'n lewe uitsigloos en bleek

'n traanrivier waaroor ek nie my brug kan bou
splinters van my lewe spoel weg sonder jou

aan die opdrifsels van my lewe vas geklou
op my traanstroom wil ek roei na jou

elke traan 'n sweetdruppel van my hart
uit my siel gesnik met pyn en smart

probeer om my oog op die lewe te hou
my lens deur trane uit fokus gehou

ai, ek wil graag ontsnap
trane besig om my siel leeg te tap

moeder alleen moeg gestoei
gooi vir my jou reddingsboei

ek wil huil in die reën
dan sien niemand my trane en hoe ek ween

ek sal jou altyd onthou
sweetdruppels van my hart net vir jou!