Gedigte

Premium+ Lid Premium+ Lid
Deel hierdie werkstuk met jou Facebook vriende

die vrou wat jou liefhet
kyk deur slaapkamerruite
na die nagmis
en die maan
wat edeltin daarbuite

dou-voor-dag
stap sy deur haar tuin
waar die Queen Elizabeth
in pienk staan en roos
maar die palm se vrugte
lê op die grond . . .
in skakerings van goud-appelkoos

en die mossies soek na saad
in die skadu van haar boom
neffens die stoel
waar sy ewig sit en droom
en sy weet . . .
daar's voëltjies en nessies
tussen die blare se groen
met die purperste bessies
in die najaar's seisoen

die vrou wat jou liefhet
pluk madeliefies . . .
'skik dit in potjies van klei
en ook lelies in wit
om in die voorhuis te sit
waar organza oor die ou wakis vly

sy't 'n deuntjie in haar kop
. . . nagtegale in haar mond
en sy dans in sirkels alrond
sy maak swaaie en draaie
met die wind teen haar rug
oor vêr-vreemde paaie
in 'n hemelse vlug

*

die vrou wat jou liefhet
staan kaalvoet in velde
(in hoop dat jy eendag weer huis toe sal kom)
met 'n blos op haar wang
en sonlig in haar hare . . .
tussen die rooiste rooi papawers
in blom





C. Shaw
9 Februarie 2015



Spaar Geld op Versekering

Lucky Lottos

Kommentaar

Ano
Blom
Het ek nou te heerlik saamgedans met 'n blommetjie in die hand. Dankie dis pragtig verby :-D
5 jaar 11 maande 1 week 6 dae oud


blom in rooi
Carma op haar beste en soos gewoonlik besing sy die liefde op n unieke styl eie aan haar wat van haar hoog op my lys van gunstelinge sit
5 jaar 11 maande 1 week 6 dae 5 ure oud


Sy blom in rooi
"Maak swaaie en draaie met die wind teen haar rug EN met 'n blos op haar wang en sonlig in haar hare tussen die rooiste rooi papawers en blom"

Ai, Carma, jy mag maar dig!!!!!! Pragtig.
5 jaar 11 maande 1 week 6 dae 9 ure oud


Blom
"sy't 'n deuntjie in haar kop
. . . nagtegale in haar mond
en sy dans in sirkels alrond"

So MAL oor hierdie vers, hou van die eerlike opregte trant van die gedig.
5 jaar 11 maande 1 week 6 dae 15 ure oud


. . . nagtegale in haar mond en sy dans in sirkels alrond
Inderdaad! ♪♪♪

(En weer die hartseer ondertoon . . .)
5 jaar 11 maande 1 week 6 dae 15 ure oud


Sy blom in rooi
Ek wens ek kan haar ontmoet, baie mooi skrywe.
5 jaar 11 maande 1 week 6 dae 15 ure oud


Rooi papawers
Dis 'n treffende gedig met 'n steek in die stert...
Goed gedoen!
5 jaar 11 maande 1 week 6 dae 16 ure oud


vrou
Dit is pragtig V,
Die vrou wat jou liefhet bly hoop!
Baie goeie woordbeelde!
5 jaar 11 maande 1 week 6 dae 17 ure oud


*
Ek het dit gevind...

Haar bloeiende verlange het jy baie mooi gepen.
5 jaar 11 maande 1 week 6 dae 20 ure oud


Dankie, Anze
Ek sien dis maar net 'n gogga wat êrens ingesluip het :-D
5 jaar 11 maande 1 week 6 dae 20 ure oud


rooi
Liefde is darem maar pragtig, baie mooi xxx
5 jaar 11 maande 1 week 6 dae 21 ure oud


.
Pragtig.

Dit laat my nou weer an TS liedjie dink, hehe ...

Dis regtig gevoelvol, asof ek myself daarin kon sien.
5 jaar 11 maande 1 week 6 dae 21 ure oud


Sy blom in rooi
Jammer Viooltjie dis pragig gepen, ek kan egter net jou eerste 2 inskrywings vir die projek gebruik aangesien die opdrag duidelik aandui dat slegs 2 inskrywings per afdeling aanvaar word
5 jaar 11 maande 1 week 6 dae 21 ure oud


die weervoorspelling
pragtig,.
n Vers wat mens kan voel.
En ervaar.
EN een mee word.
5 jaar 11 maande 1 week 6 dae 21 ure oud


Sy blom in rooi
Baie dankie vir jou pragtige bydrae tot die Liefdes projek
5 jaar 11 maande 1 week 6 dae 21 ure oud



Voedsel vir die Siel

deur Snuffelgids

Hierdie digbundel is Voedsel vir die Siel. Dit bevat elke emosie se leemtes en na die lees voed dit jou tot in die dieptes van jou siel. Geen emosionele leemtes sal ooit weer kop uit steek nie.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar