Gedigte

Premium+ Lid Premium+ Lid
Deel hierdie werkstuk met jou Facebook vriende




Vanoggend, dou-voor-dag, het ek my e-pos nagegaan.
Jou boodskap was ook daar, in dood se stikke swart omraam.
Eers dag ek in my ongeloof ek het net skeef verstaan,
maar in markante skeidingswoord (onder Woes se eie naam!)
lees ek met breindisfunksie -wat vertraagd trag te verwerk-
dat op my Woes se werfie sal elke vriend se stem verstil
want die hek van “Woes-Afrikaanse-paradys Beperk”
swaai roesig, raserig tot slot nes Skoppensboerse gril!
Maar al die jare hier op Woes se skeppingskragtigheid
van saamskryf, saamlees, saamtreur, saamlag, siele-goed gedeel
glo ek, was oorsaaklik tot ieder skeppingsdiensbaarheid;
daarom dan my dank aan elk dat ek ‘n rolletjie kon speel.
Ek groet met koue woorde, verwarm deur ons wondertaal
in wete dat ons almal wel iets goeds uit Woes kon haal.



Spaar Geld op Versekering

Lucky Lottos

Kommentaar

Afskeid
So absoluut waar, maar ai dis niks lekker dat dit nou verby is nie!

Waar gaan ek weer sulke puik skryfsels soos hierdie lees? He, se vir my!
4 jaar 1 week 1 dag oud


tabeetjies en afskeid
Baie dankie vir jou pragtige bydrae tot die AFSKEID projek.
4 jaar 1 week 2 dae 5 ure oud


afskeid
van saamskryf, saamlees, saamtreur, saamlag, siele-goed gedeel, dit was 'n lekker kuier werf..
4 jaar 1 week 3 dae 3 ure oud


die weervoorspelling
en daar slat jy die spyker mootjies oppi kop.
goed uitgedruk...
4 jaar 1 week 3 dae 4 ure oud


Afskeid
Ja dus jammerte - alle goeie dimge kom seker tot einde- groete - mooi wense vir die toekoms.
4 jaar 1 week 4 dae 19 ure oud


***
Ja-nee, K, ek glo jy praat namens almal van ons -- en hoe keurig stel jy dit nie.

Mooi loop my ou vriend...
4 jaar 1 week 5 dae oud


afskeid
wees gegroet my vriend!

Jou bydraes het my altyd na aan die hart gele

Nes hierdie laaste afskeid, alleen met Afrikaans waarmee so getoor kan word!
4 jaar 1 week 5 dae 2 ure oud


afskeid
En kyk hoe pragtig sluit jy nou hierdie reis af. Dis regtig so mooi geskryf. Ek gaan dit mis. Ons hoop, soos Toom sê. Alle voorspoed vir jou toegewens :-)
4 jaar 1 week 5 dae 9 ure oud


Vaarwel
Pragtige gedagtes wat jy neergepen het, ek glo jy praat vir meeste van ons. Dit is meoilik om afskeid te neem, maar om vir altyd afskeid te neem is selfs moeiliker. Groete en voorspoed vir jou in die toekoms!
4 jaar 1 week 5 dae 13 ure oud


Vaarwel
En so kom nog 'n tydvak tot 'n einde maar die hoop sal nooit beskaam.
4 jaar 1 week 5 dae 13 ure oud


"Woes-Afrikaanse-Paradys Beperk"
Wat 'n oulike naam kon dit gewees het!

Ja, en nou wonder ek ook maar waar om verder te kan skryf . . .

(Blink woorde wat jy geskryf het.)
4 jaar 1 week 5 dae 17 ure oud


'smos waar dog
Ja, treurig, maar miskien bring die dag van môre ander opgawes, ander uitdagings, ander vreugde,...
Kan ons net hoop en wens, nè?
GvT
4 jaar 1 week 5 dae 17 ure oud


Afskeid
Staande applous vir hierdie pragtige skrywe en ode aan onse Woes.
4 jaar 1 week 5 dae 18 ure oud



Nuutste werk ingestuur binne die afgelope 7 dae


Geborg deur :

Van ons ander lede

Lelani

deur Rachelle du Bois

Lelani Botha bestuur die eksklusiewe boetiek op die dorp. Sy is beeldskoon, stylvol en kunstig. Maar sy dra swaar aan ‘n geheim waarvan niemand weet nie. Tot hul botanis buurman Leon Postma haar eendag betrap in ‘n situasie wat sy nie langer kan wegsteek nie. Hy weet nou baie meer as wat enige ander mens van haar weet en sy verkwalik hom daarvoor. Hy het geen reg om te weet nie. Sy is pragtig, vurig en wantrouig. En sy is in Leon Postma se lyf, in sy kop en sy bloed. Hy sal vir haar ʼn brug oor die water bou wat haar na hom toe sal bring. Of so hoop hy. Maar Lelani bied hewig weerstand teen haar groeiende aangetrokkenheid tot Leon. Sal sy toegee aan die man wat soos ʼn koors in haar binneste kom intrek het? Sal sy uiteindelik die brug na hom toe oorsteek?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar