My lewe, hart en verstand, is in U hand,
Here ek wil eendag in U huis beland!

Help en lei my, sodat ek nie, die nou pad verlaat,
Laat toe, dat my lig skyn, in die huis en op straat,

Here, ek en my huis, ons wil U dien,
Sal U asseblief, aan die gawe voorsien?

Ek is gebore in sonde, by U, is ek nie verlore,
Here, ek het nie altyd die regte woorde!

Ek dank U, dat U reeds weet, wat ek nodig het,
Here maak my onbevlek, voor ek inklim, in my bed!

U, is getrou en ek wil net, op U vertrou,
Al die dae van my lewe, wil ek U hand vashou!

Ek is jammer, Liewe Heer, vergewe die sonde in my!
Here sal U asseblief, in tye van storms, aan my sy bly?

Sal U ook in tye van blydskap, saam met my lag?
Ek wil elke dag en nag, na U lewens woord smag!

Ek het nie genoeg blydskap en tong, om U te bedank.
Ek kan U niks bied, alles behoort aan U, ook my verstand!