Gedigte

Titel: Vel
Premium+ Lid Premium+ Lid
Deel hierdie werkstuk met jou Facebook vriende

Jy sê jou vel's jou grootste enkele orgaan...
arme vel, seg jy.
'n Vel kort al die regte kos
om sag en glad en soepel te kan bly:
Groente, vrugte, sulke goed sê jy...

Ek verlang nogal na jou vel,
my vel het al vergeet hoe voel 'n ander vel.
Dis net my brein wat weet,
my brein en bloed en hart en spier en long;
my liggaam smag na vel...

My tong lê laf en wag op ligte sout- en soetigheid,
my neus onthou die sweempie lekkerruik
in hare, nek en elke ander sagte plek.
Jou hande't my gefasineer,
ek wonder of my vel nog joune sal onthou,
so sag en glad en sonder skroom.

Ek wag en kwyn van dors en honger sondervel.
My vel benodig joune om om myne te kan span.
Miskien is vel se enigste behoefte
liefde van 'n ander vel.
Arme uitgehongerde vel!



Spaar Geld op Versekering

Lucky Lottos

Kommentaar

Vel
Ja-nee iets met vel om was nog nooit te versmaai nie.

Hierdie een is nuut vars en oorspronklik. Is beindruk!
3 jaar 5 maande 1 week 3 dae 4 ure oud


Vel


Ek vat saam met Seeuwolf: Jy het my hier en sommer al my punte!
Regtig welgedaan!
3 jaar 5 maande 1 week 4 dae 2 ure oud


Vel
En dit uit JOU pen!
Wel, al my punte is joune - ek het niks meer oor om te gee!
3 jaar 5 maande 1 week 4 dae 6 ure oud


Vel.
Wow!!

Dit is n pragtige gedig.
3 jaar 5 maande 1 week 4 dae 8 ure oud



Mari

deur Rachelle du Bois

Die pragtige Mari Wolmarans vat haar seuntjie en vlug weg uit ʼn gewelddadige huwelik. Sy is die rykmanslewe gewoond, maar nou is sy sonder heenkome of inkomste. Sy gaan woon by haar broer Thinus waar sy die aantreklike kunstenaar Dewald Bosman ontmoet. Sy is geskok en verward toe hy aanbied om met haar te trou ter wille van die drie-jarige Dirkie. Sy is nie gereed vir ʼn tweede huwelik nie, maar sy neem tog sy huweliksaansoek aan ter wille van haar seun. Dit sal egter slegs in naam wees tot sy anders besluit. Maar sal sy? Sal sy vir Dewald kan liefkry soos hy vir haar? Dewald is betower deur die verruklike Mari. Sy het sy voete onder hom uitgeslaan en sy enigste begeerte is om haar lief te hê as sy vrou. Die oulike Dirkie kruip vinnig in sy hart en hy neem hom voor om vir hom ʼn toekoms te verseker, want hy kan en hy wil. Vir Mari en vir Dirkie. Sal hy daarin slaag om haar hart te wen?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar