Gedigte

Premium+ Lid Premium+ Lid
Deel hierdie werkstuk met jou Facebook vriende

Vêr , vêr in die vêrte
vêr van my
vêr van die stad
se liggies
blink daar ogies
in die donker donker nag

– skitter daar sterretjies
vir jou en vir my .

Vêr , vêr in die vêrte
vêr van my
vêr van die stad
se rush en geraas
is daar stilte

– stilte wat hunkerend roep
na jou en na my .

Vêr , vêr in die vêrte
vêr van my
vêr van die stad
se grys
is daar uitspan-groen
in die bome in die veld
met rus-bruin touches tussen-in ,

vrede in die vaal op woudvloere
geel , pers , rooi en oranje
veldblomme wat ñ moeë
siel se swart vrolik opvrolik
vir jou en vir my .

Vêr , vêr in die vêrte
vêr van my
vêr van die stad
se terminale bestaan
is daar snags
ñ helder maan
wat skyn
oor jou en oor my .

En so kan ek
aangaan en aangaan

– maar ek sal nie .


Want dis alles
vêr , vêr in die vêrte
vêr van my

te vêr , te vêr weg
van jou en van my .


( 14/01/2016 23h00 )



 



Spaar Geld op Versekering

Lucky Lottos

Kommentaar

vêr
Mens se gedagtes loop vêrvêrvêr met die gedig, Mooi!
3 jaar 4 maande 4 dae 22 ure oud


Vêr , vêr in die vêrte


Alle sienbare dinge is deesdae bereikbaar. Die probleem is vervoer, Ouboet. Tuig dus die wil en siedaar!
Weer eens 'n heerlike Rudi Coetzer-skepping!
3 jaar 4 maande 1 week 11 ure oud


Ver
Dit laat my nou vêr verlang. Tot by die see, tot by die bosveld, tot by die Kgalagadi, tot by die Karoo en al die plekke wat nie hier is nie. Jy verlang baie goed, ek hou hiervan :-)
3 jaar 4 maande 1 week 1 dag 4 ure oud


Vêr . . .
ai . . . jy weet darem net hoe om dit te doen!
3 jaar 4 maande 1 week 1 dag 8 ure oud


ver, ver
Nee man,
loop net uit en kyk vanaand op en om, dis so naby, gryp dit net!

he-he, alles is so ver as wat ons dit maak, miskien is die company verkeerd, die dat dit so ver is.

Nietemin, miskien verstaan ek die ewige hunkering na die (moontlike), onmoontlike

Mense wat na niks meer soek nie, (selftevrede met alles wat hul alreeds het in die lewe) is erg vervelig, daarom 10/10, love it!
3 jaar 4 maande 1 week 1 dag 21 ure oud


Vêr te vêr
Ek hou van die.. Dit werk net vir my!
As dit maar net nie so vêr was nie.. :)
3 jaar 4 maande 1 week 2 dae 3 ure oud



BEGRAFNIS OF VERASSING - Wat se die Skrif daarvan?

deur Spannie

Hierdie baie kontroversiele vraag van ons tyd rakende die hantering van die menslike liggaam na afsterwe word onomwonde en baie duidelik aan hand van die Skrif en geskiedkundige bronne uiteengesit in hierdie volledige studiestuk. Liggaamsverbranding is baie duidelik 'n suiwer heidense gebruik en streng verbied in die Woord. Vloeiend geskryf, met baie interessante gegewens uit die geskiedenis van ons tyd is hierdie 'n boek wat mens moeilik neersit na jy begin lees het. 'n Moet vir elke ernstige gelowige van ons tyd.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar