Ek staan op my knieë,
Here,
besig om die flenters
van my hart
saam te skraap,
...op te vee,
die splinters
tussen die groewe
van keistene
uit te grou,
skoon te vee
met my vuil hande
waaraan die sonde
listig plak
en ek sien my
naels vol verwyt
polse sweet bloed
en ek lig my hande
draai my palms
na U, God
na U
en lig my gesig
my siel reik uit
my oë gryp vas
aan die hemel
aan die belofte
aan die boodskap
die boodskap
wat hy moes bring

Bon voyage, my friend.
I love you more
than chocolates
xx