Welkom . Hier waar roofdiere baljaar . deur RUDI COETZER | Bydraes

Woes-Nuus

Tuis > Bydrae-Kategorieë > Gedigte

Gedigte

Bladsye: 1 2 3 4 5 6 > Kies vir my 20659 20660 Laaste › Temas ▼

Titel: Welkom . Hier waar roofdiere baljaar .

RUDI COETZER

Premium+ Lid

Weergawe: 1

Aantal woorde: 151

Kere gelees: 0

Datum gepubliseer: 02 Nov 2015

Agter toedeure
in fluistervertrekke
sluip snags
stil donker figure
met naskeermiddel-geure
wat soms klein bekke
toedruk en jags
soos tropdiere
met of sonder geweld
vat wat hulle wil hê
en kinders gebroke en seer
vreesbevange agterlaat .

Elke pa is nie ñ held
en elke ma lê
nie en slaap daardeur ...

– so word geslagte geskaad
in ñ siek siklus
van kinders verkrag
van kinders molesteer .

Welkom in die hel
hier waar dierlike lus
in die dag èn in die nag
gewetenloos grynsend regeer

hier waar vier mure niè vertel
wat tussen hulle gebeur

hier waar kinders huil en bloei
terwyl grootmense in fluistervertrekke knoei .

Elke pa is nie ñ held
en elke ma lê
nie en slaap daardeur ...

( 30/10/2015 15h11 )

E-pos RUDI COETZER

Lees ander gedigte deur RUDI COETZER

Lewer kommentaar hieroor

E-pos my as kommentaar gelewer word

Rapporteer foute/ongewenste inligting rakende die gedig

Stuur e-pos aan vriende aangaande hierdie gedig

Druk hierdie gedig

Lees soortgelyke gedigte

Spaar Geld op Versekering

Kommentaar

Zymrly

Briljante gedig! Dit spreek die waarheid kaalkop aan. Maar dit is keurig geskryf.

E-pos

5 jaar 2 maande 4 weke 6 ure oud

Koos Nel

Roofdiere.

Hierdie nagsluipers is seker die walglikste spesie op aarde, 'n meulsteen om sy nek is al wat hy verdien. Dankie vir 'n insiggewende gedig.

E-pos

5 jaar 2 maande 4 weke 7 ure oud

Corina Becker

Agter toe deure

Hemel, Rudi . . . jy kan tot die wreedste waarheid oopkap met jou woorde. As mense maar net wil hoor – en stóp!

E-pos

5 jaar 2 maande 4 weke 13 ure oud

Klein Van

Roofdiere

Ou Rudi, jy is 'n digter so na my hart! Dit is alles realiteite en ongelooflik hartseer en onnodig!!! Nog 'n woord-kunswerk uit Rudi se sleutelbord!!

E-pos

5 jaar 2 maande 4 weke 16 ure oud

Vic Viviers

***

Hierdie soort gedrag is so afgryslik en jy draai nie doekies om nie -- soos Viooltjie sê: sterk sosiale kommentaar.

E-pos

5 jaar 2 maande 4 weke 23 ure oud

Viooltjie

roofdier

Sjoe, ja, dit bly ongelooflik dat ouers sulke wrede gedrag teenoor hulle kinders openbaar. En alles om hulle wellustige drange te bevredig. En hoe 'n ma kan maak of sy dit nie hoor nie, gaan mens se verstand te bowe. Die arme, arme kinders. Sterk en goeie sosiale kommentaar, Rudi.

E-pos

5 jaar 2 maande 4 weke 1 dag 5 ure oud