As jy my kon sien
dan sou jy weet
die donker was so stil

ʼn vetkers op die grond
se somber skaduvlam
het bewend opgekrul

my laaste kind
op ʼn kakie kombers -
die nanag was so koud

die lig het talmend verdamp
duisternis in yslaag omhul
ek was ineens reddeloos oud

die tyd was willoos verstrik
in vernietigende seer -
onsterflike verset 
en as jy my kon sien
dan sou jy dit verstaan het.

© C. Potgieter 2013-03-08