Gorrel

Deel hierdie werkstuk met jou Facebook vriende

My oudste seun word tuis geskool en die wêreldjie waarin hy beweeg is soms kleiner as daardie kamertjie wat meeste huise het. Jy weet van watter een ek praat. Die herinneringe in die vorm van ou klere, dalk dose vol belastingstrokies of speelgoed wat die kinders nie mee speel nie, lê die kamer verstikkend vol. Dis die kamertjie wat jy met 'n sug toetrek as gaste kom kuier terwyl jy jouself belowe jy gaan hom môre regpak.
Om weg te breek van die gewone luister oudste graag radio of musiek. Hard. En dan sing hy. Hard. En vals. Baie vals. Vanoggend het hy "Hoe groot is U" so effens vermorsel en daarna vir "De la Rey" gelei tot hy die Boere vermy. Of so iets.
Maar hy laat my dink, hierdie seun van my in 'n amper-sestienjarige se lyf, maar met die hart van 'n tienjarige. Ons almal het nodig om weg te breek, te ontsnap van die roetine wat meeste van ons noodgedwonge moet volg. 'n Plek waar jou siel sy klere kan uittrek en in die koue rivier instorm sodat die stroom hom kan vat en verkwik voordat hy hom saggies op die wal uitstoot. Vir sommige is die wegbreek in die vorm van twee hardlooptekkies met modder op hulle sole, vir ander is dit 'n glas wyn, 'n warm bad, 'n rondte gholf saam pelle of net 'n boek.
Nou wat is die punt? Vra jy.
Ek weet nie regtig nie...
Dalk moet jy 'n glas wyn skink en buite gaan sit onder 'n boom, elke teug waardeer, rondkyk sonder om te praat. Of dalk moet jy in 'n koffiewinkel gaan sit en mense dophou. Die antwoorde kry mens amper altyd in die rustigheid...



Spaar Geld op Versekering

Lucky Lottos

Kommentaar

wat is die punt
die punt is dat mens moet ophou om net te oorleef en ook soms net te leef en die mooi van die lewe te geniet saam met hulle wat so kosbaar in jou lewe is
3 jaar 10 maande 5 dae 12 ure oud


Wat is die punt?
Ek dink die punt is mens moet elke dag iets doen wat baie spesiaal is en wat net jy vir jouself kan doen. Met ander woorde: spandeer tyd met jouself en aan iets wat jou gelukkig maak, elke dag.
3 jaar 10 maande 5 dae 13 ure oud


TK
Wat is die punt
Ek weet presies wat jy bedoel. Daar is soms net te veel roetine in die lewe en soms moet mens, soos jy sê sommer net rustig agteroor sit en kyk hoe die ander mense rondskarrel om te probeer sin maak daarvan vir jouself.
3 jaar 10 maande 5 dae 16 ure oud



Nuutste werk ingestuur binne die afgelope 7 dae


Geborg deur :

Van ons ander lede

Maalkolk

deur Rachelle du Bois

Adele Coetzee will nie vir Francois Bekker as nuwe plaasbestuurder op Goedgeloofd hê nie. Sy kan self hul familieplaas bestuur. Francois is ‘n indringer en hoort nie op die plaas nie. Sy vertrou hom nie, maar Francois besluit dat hierdie tierwyfie getem moet word. Deon Kelder woon op die buurplaas Goedehoop en hy is verlief op die misterieuse nuwe onderwyseres by die plaaslike laerskool, Madri Viljoen. Waarvoor het die hoogsbegaafde Madri gevlug en wat kom maak sy hier op Heidelberg? Hy wil haar hê, maar dis toe nie so maklik nie, want haar pynlike verlede kom staan soos ‘n skim tussen hulle. En wie is Alex ….?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar