Gorrel

Deel hierdie werkstuk met jou Facebook vriende

Ek is terug na my lang afwesigheid van Woes. Vir dertig dae het ek aaneen aan een storie gewerk. En dis nog nie klaar nie. In dertig minute kon ek ‘n gedig skryf oor die heldin se probleem, oor haar stryd. Dit het ek sommer klaar hier op Woes gepubliseer.
Die kontras tussen die tyd, inspanning en uitslag van elke genre verstom my steeds. Miskien kon ek vinniger die gedig skryf omdat ek die heldin nou ken, waar ek haar eers moes leer ken tydens die reis van die roman skryf.
Om almal se werk te kon lees in Afrikaans, na ‘n maand van net Engels, het my gevul met emosie wat ek nie verwag het nie. Hoe kan net die lees van my moedertaal my met emosies vul wat ek so hard aan moes werk tydens my eie skryfwerk die vorige maand? Is dit omdat die digters so talentvol is? (Natuurlik is dit die geval. Dit kan nie wees dat ek die taal gemis het nie.) Of is dit omdat ek al moeg is vir my eie skryfwerk? (Heel moontlik. Nêrens in my eie stories is daar net ‘n oomblik van kalmte, ‘n waardering van die natuurskoon nie. My karakters hardloop van een ontploffing na die volgende.)
Ek proe-proe aan die taal wat ek vir ‘n maand skaars gepraat het en glad nie geskryf het nie. Dis vreemd. En tog bekend. In minder as ‘n dag is dit asof ons mekaar nooit gelos het nie; ek en Afrikaans.
Amper twee maande terug, het ek gedink ek moet ‘n alles of niks benadering hê tot my skryfwerk. Maar met amper een uur se leeswerk hier op Woes, het ek besef die wit of swart benadering kan my in Darth Vader verander en my alles laat verloor. Om vasgevang te wees in net een storie, net een heldin se reis – en net een taal – vir ‘n volle maand is genoeg om enigiemand ‘n “Death Star” te laat bou en goed (planete) te laat opblaas.
Wat almal nodig het is balans tussen werk en speel; lees en skryf; lag en huil; om sluimerend en wawyd wakker deur die lewe te gaan.



Spaar Geld op Versekering

Lucky Lottos

Kommentaar

Kat
Einste, balans is die wonderwerk en oplossing van alles in die lewe- plesier, drama, werk, ontspan, emosie en...en...en...
3 jaar 7 maande 2 weke 1 dag 18 ure oud


Die Kat is Terug
Welkom terug en geniet dit om in jou eie taal te skryf.
3 jaar 7 maande 2 weke 5 dae 20 ure oud


Kat
Welkom terug Ronel,

En ja, Afrikaans is lekker. Die anderdag lees ek dat meeste mense verkies om in Engels te dig omdag die taal meer buigsaam en kragtig is, maar ek stem nie saam nie. Ons moedertaal bly die taal van my hart en dis is wonderlik om in Afrikaans te kan skryf.
3 jaar 7 maande 3 weke 2 ure oud


Terug!
Ja, is dit nie wonderlik nie ~ geen ander taal sê 'n ding soos jou eie taal nie . . .
3 jaar 7 maande 3 weke 12 ure oud


kat
Welkom terug!
3 jaar 7 maande 3 weke 20 ure oud


Die kat . . .
Die projek is nie maklik nie - kan nie sinvol sommer uit die duim gesuig word nie - Jy hanteer dit egter susesvol uit die heel ander hoek.
Mooi
3 jaar 7 maande 3 weke 22 ure oud


Die kat is terug
Baie dankie vir jou pragtige bydrae tot die KONTRAS projek.
3 jaar 7 maande 3 weke 22 ure oud



Suid-Afrika in die Eerste Wêreldoorlog

deur Francis Gillieron

Kroniek van die rol van Suid-Afrika in Eerste Wêreldoorlog. Gedenkuitgawe.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar