Onverklaarbaar kom hierdie, wat ek baie jare gelede, as skoolkind iewers gelees het vanaand by my op. Ek kan nie meer die presiese woorde onthou, of wie die skrywer was nie, maar ek deel dit graag met julle.

DIE PSALM VAN 'N DRINKER

Koning drankbottel is my herder
alles ontbreek my
in slykerige swart modder laat hy my neerlê,
na troebel waters lei hy heen.
Hy verwoes my siel
in die spore van ongeregtigheid lei hy my
in sy vuil naam se wil.
As ek gaan in die dal van doodskaduwee
vrees ek alle onheil
want hy is met my
sy onheilige stok en staf dryf my,
beroof my van alle rus en heil.
Hy berei die tafel van ongeluk voor my
teenoor my jubelende teestanders;
hy maak my hoof vet met smarte
my beker van ongeluk loop oor.
Net ongeluk en smarte
sal my volg al die dae van mylewe
solank ek
in die huis van koning drankbottel bly.