My beplande boek is fiksie en die eerste keer dat ek probeer om meer as 'n kort verhaal te skryf. Hoe dit sal verloop kan geen mens in die heelal sê nie. So as jy geld het, wed eerder op 'n ou perdjie totdat ons so 'n paar hoofstukke in is en ons kan kyk of ek die pas kan volhou.

My storie gaan oor die lewe en die paadjies wat ons stap om watter rede ookal en die uitkomste, afdraai paadjies, vreugdes en teleurstellings wat ons op sulke reise te beurt val.

Larina is 'n tipiese afrikaanse vrou wat oorgewig is, hou van musiek en wyn en besluit het dis tyd dat sy iets doen omtrent die feit dat sy steeds alleen en liefdeloos is. Haar hart het haar oortuig dat die gewig en die alleen direk met mekaar verbind is.

Dit is 'n kronkelpad met opraendes, afdraendes, dorings en skadu bome.

Stap saam met Larina en dan kyk ons waar kom ons uit.