Augustus 2012 het ek my voltydse werk bedank om my droom (om te kan skryf)begin uitleef. Dis nou al twee jaar later en ek was nog geen oomblik spyt nie.
Vir inkomste het ek my eie boekhoubesigheid begin en doen 'n paar klein besighede se boeke deeltyds, net genoeg sodat daar oorgenoeg tyd vir skryf kan wees.
Ek dreig al lank om my hand aan 'n volskaalse roman te waag, my droom van kleinsaf om eendag boeke te skryf.
Na vele skryfkursusse, het ek egter besluit om eers 'n digbundel uit te gee, voor ek 'n roman begin skryf.
Na twee gepubliseerde digbundels, 'n E-boek, en 'n suksesvolle blog, het ek einde verlede jaar besluit om hierdie jaar werklik 'n poging aan te wend met 'n roman.
Toe kom maak Woes dit vir my maklik. Hierdie wonderlike idee van hulle het gekom asof dit gestuur is. Ek gaan my hart uitskryf en hoop daar kom iets goed daarvan.
Met al die lesers en medeskrywers se kommentaar en hulp, kan dit net goed gaan.
Dankie Woes :)