Jeugverhale

Deel hierdie werkstuk met jou Facebook vriende

Na ontbyt, die volgende dag. het hulle die strate ingevaar om die omgewing te verken. Dit was wonderlik om al die ware te sien wat in die winkelvensters uitgestal word. Elke winkel verkoop net een soort artikel – nie soos op hul dorpie waar daar net een winkel is wat alles aanhou nie. Daar is klerewinkels, skoenwinkels, meubelwinkels en selfs speelgoedwinkels.

Tomie druk sy neusie plat teen die venster om die speelgoed te bewonder. Hy het nog nooit ‘n winkelspeelding gehad nie. Oupa het vir hom gewys om klei-osse te maak en hoe om hulle voor ‘n visblik in te span – dit was sy speelgoed. Tomie se ma moet hom letterlik aan sy arm sleep om hom van die venster af te kry.

Oom Arno koop die oggendkoerant. Die hoofopskrifte gaan oor die arrestasie van die struikrowers wat al vir jare deur die gereg gesoek word. Daar word weer spottenderwys na hulle as die Agterstevoorbende verwys.

* * *

Die Baas gooi die oggendkoerant met misnoeë op die tafel neer. “Hulle maak ‘n bespotting van ons. Ek sal dit nie duld nie. As hulle so aanhou sal ek nooit weer iemand kry om vir my te werk nie. Ek kan nie begryp hoe Gert-hulle toegelaat het dat hulle gevang word nie. Een van julle moet kyk of hy vir Gert te siene kan kry en hom uitvra oor wat daar gebeur het. Die ander een moet die gesin wat hulle ingebring het, agtervolg en probeer om meer van hulle doen en late tewete te kom. Ons ontmoet weer vanaand.”

“Doors, volg jy hulle, dan gaan kyk ek of ek vir Gert te siene kan kry.”

“Reg so, Dolf.”

“Net voor jul gaan, is julle seker dat al die jokkies vir Saterdag se perdewedren omgekoop is? Ons gaan ‘n groot klomp geld op Semel maak. Sy wedprys is veertig teen een. Hy word geen kans gegun nie – hy is ‘n totale buiteperd!”

* * *

“Ek is nou dors. Kom ons gaan drink iets by daardie kafeetjie op die hoek. Daar is tafels en stoele onder sambrele. Dit sal lekker wees om in die buitelug te sit.” sê Arno en Esmè stem saam.

Arno en Esmè bestel vir hulle tee en vir die kinders elkeen ‘n melkskommel. Dit was Tomie en Katryn se eerste melkskommels en mens kon die genot op hul gesigte sien! As Tomie op daardie oomblik moes kies sou botter en soetpatats ‘n baie swak tweede en derde plek teenoor die melkskommel ingeneem het!

Hulle merk geen onraad as ‘n welgeklede heer onder ‘n sambreel langs hulle plaasneem en hom oënskynlik dadelik in sy koerant verdiep nie.

Kraai het hom stilletjies op ‘n vensterbank oorkant die straat tuisgemaak. Tomie wat op die uitkyk vir Kraai was, het hom dadelik raakgesien. Dis goed om te weet dat hy in die nabyheid is.

* * *

Na middagete is die kinders aangesê om ‘n bietjie te gaan rus. Oom Arno en Tomie se ma wil gaan reëlings tref vir die belegging van ‘n gedeelte van haar geld by ‘n bank wat ‘n baie bekende naam het. Arno is baie seker dat ‘n belegging daar veilig sal wees.

Katryn en Rika het sommer gou aan die slaap geraak, want die oggend se rondloop het hulle heeltemal uitgeput. Tomie het toe die geleentheid benut om met Kraai te praat.

“Ek is bekommerd oor my ma-hulle, Kraai. Daar is al eenmaal ‘n poging aangewend om haar te beroof. Hou hulle asseblief dop.”

Kraai vlieg op, want vanwaar hy sit, het hy hulle nou net om die draai sien verdwyn. Hy is haastig om hulle weer onder oë te kry.













Spaar Geld op Versekering

Lucky Lottos

The Road to Eden

deur Rachelle du Bois

Once rich and still beautiful, Eve Vermont’s life was in tatters. She found a job as house manager with the wealthy and powerful Blythe family. She soon realised that the compelling Adam Blythe was determined to uncover the painful secret of her past. She was forced to accept that he wasn’t going to stop until he knew what brought her to Oak Manor but was she prepared to open up and allow him to know her as he intended? Or would she keep hiding from Adam and the world? Adam Blythe found a stylish, beautiful and mysterious woman in his home. As house manager. She was totally unsuitable for the job, and he felt compelled to find out more about her. And as he uncovered the layers of this incredible woman, his love for her grew and he knew he had to keep her at Oak Manor at all costs. But would she stay?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar