Kortverhale

Premium+ Lid Premium+ Lid
Deel hierdie werkstuk met jou Facebook vriende

Deur die oortreding van een mens het baie gesterf, maar die genade van God en die gawe wat deur die genade van die een Mens, Jesus Christus, gekom het, is veel oorvloediger aan baie geskenk. Romeine 5:15b
Ek sal hul oortredings vergewe en nie meer aan hulle sondes dink nie. Jeremia 31:34b

Wanneer iemand na aan jou jou regtig ʼn vuil streep getrek het, gaan jy dit nie maklik vergeet nie, al is julle weer vriende. Beteken dit dan dat jy nie regtig vergewe het nie? En beteken dit dan ook wanneer God die boeke oopslaan op die oordeelsdag soos beskryf in Openbaring 20:12, ons sonde daarin opgeteken staan en sal God dit teen ons hou?

Miskien moet ʼn mens dit so probeer verduidelik. God het nie sy “hardeskyf” of “geheuebank” uitgevee nie, maar Hy kies om nie te onthou nie. In Jeremia 31:34 lees ons dat God ons sondes vergewe het en dat Hy nie meer daaraan dink nie. Om “nie daaraan te dink nie” is anders as om te vergeet. Dit beteken dat ʼn mens nie moeite doen om iets te herroep nie. Dit is wat God doen met ons sondes.

En so is dit met jou en my. Ons sal altyd pynlike herinnerings aan ons sonde saam met ons dra want die effek van sonde kring ver uit. Selfs jare na sekere oortredings plaasgevind het, oorweldig die enormiteit daarvan ons steeds. Ons het egter die keuse om nie toe te laat dat ons verkeerde dade van die verlede ons toekoms bederf nie. Deur God se genade hoef ons dit nie te vergeet nie; ons moet net besluit om dit nie elke keer in herinnering te roep nie.

Op talle plekke in sy Woord herinner God ons daaraan dat ons oortredings iets van die verlede is. Hy verwyder dit so ver as die ooste van die weste (Psalm 103:12). Ons mag nie weer daarnatoe teruggaan nie. God plaas ook geen beperking op vergifnis nie. Dit geld vir altyd. Die wonder van God se vergifnis is dat ons telkens van nuut af kan begin – natuurlik nie om weer sonde te doen nie – maar ons sondes te bely en vergifnis te aanvaar.

" ons kan nie verdra dat ons vir ewig met ons sonde moet saamleef nie. Ons moet kan leer om te vergewe en kies om nie te onthou nie"

Vergifnis is in die hart, en daarom moet dit altyd opreg en nederig wees
Ter wille van u Naam, Here, vergewe my sonde, want dit is groot. Psalm 25:11. Maar God bewys sy liefde vir ons juis hierin dat Christus vir ons gesterf het toe ons nog sondaars was. Romeine 5:8

Ons het almal ʼn behoefte aan vergifnis. Miskien omdat ons die enigste wesens buiten God en sy engele is wat die kennis van goed en kwaad in ons dra. Jy weet hoe sleg jy voel wanneer jy verkeerd teenoor iemand opgetree het en hoe moeilik dit vir die persoon is om jou te vergewe. Jy kan maak asof dit jou nie skeel nie, maar eintlik wil jy vergewe wees. Ons hou nie daarvan dat mense sleg van ons dink nie.

Hoe vra ʼn mens om vergifnis? In ʼn wêreld vol kitsoplossings is dit maklik om “jammer” te sê sonder om dit te bedoel; sonder om regtig te besef wat jy gedoen het om ʼn ander een so te ontstel dat hy of sy nie lus het om jou te vergewe nie. Vergifnis kom nie sonder ʼn prys nie.

Bewys die egtheid van jou berou deur na die persoon toe te gaan en jou oortreding by die naam te noem, en sê: “Ek is jammer ek het jou voor ander mense verkleineer.” Of wat ook al. Moenie dit probeer onderspeel deur verskonings te maak soos: “Ek het nie gedink jy is so kleinserig nie,” of “Ek het maar net ʼn grap gemaak,” nie. Dit sê vir die persoon dat jy die seer onderskat en dit nie ernstig opneem nie. Nee, ware berou gaan dikwels met trane en diep emosie gepaard.

Maak ʼn belofte van: “Ek sal dit nie weer doen nie,” en hou daarby. Gaan doen dan nabetragting oor jou motiewe en die redes waarom jy so opgetree het en sê vir jouself: “Ek glo in vergifnis en die moontlikheid om geestelik te groei omdat ek besef het ek is verkeerd en iets daaraan wil doen.”



Spaar Geld op Versekering

Lucky Lottos

Grafte op die Berg

deur Johannes de Swart

Prosigma, dagboek van 'n paranoiese skisofreen



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar