Kortverhale

Deel hierdie werkstuk met jou Facebook vriende

Chrizelle is skoon uit asem toe sy uiteindelik vir Nina inhaal. “Nina-mens, hokaai nou! Vir wat los jy my alleen by daai sexy man?” raas sy kamma kwaai. Sy’s egter verbaas om te sien hoe haar vriendin effe verbleek en dan weer bloedrooi bloos. “Het jy met Markus gepraat?” fluister-vra sy. “O ja, dís sy naam! Nee, ek het nie met hom gepraat nie, maar dit het regtig gelyk asof hy met jóú wou praat. Vir wat het jy weggehardloop?” Nina sug en skets dan kortliks wat gebeur het. Haar verjaarsdag die vorige jaar, die kuier na die tyd, haar maller as mal idee vier maande gelede. “Het jy sy nommer?” Chrizelle is amper histeries opgewonde toe sy dit hoor. “Weet jy hoe baie meisies sal hul oogtande en beste hakskoene prysgee vir sy nommer?” “Ja, Chris, ek weet! En dis juis hoekom ek dit vir myself weggesteek het, sodat ek nie wéér so ’n simpel ding loop staan en aanvang nie! Ek skaam my morsdood. Wat moet die man nie van my dink nie?” sy bloos weer. “Dat jy ’n meisie is wat weet wat sy wil hê, dis wat hy dink! Gaan praat net met hom man, wat het jy om te verloor? Hy is mos net ’n boerseun.” Chrizelle knipoog en trek haar aan die arm terug na waar Markus nog staan langs die einste perd wat sy bewonder het. Half teensinnig laat Nina toe om gelei te word. “Gaan staan net by die perd, lyk bereikbaar, maar laat die res aan hom oor,” fluister Chrizelle. “Hoe weet jy dit gaan werk? Hoe seker kan jy wees?” fluister sy onseker terug. “Want maak nie saak hóé bekend hy is nie, hy bly ’n man en ’n man sal altyd vir ’n mooi meisie kyk. Bel my as jy klaar is.” Met nog ’n stuitige knipoog en glimlag los Chrizelle vir Nina by die perdestalle.



Spaar Geld op Versekering

Lucky Lottos

Inge

deur Rachelle du Bois

Inge Bergh is ‘n suksesvolle sakevrou. Sy besit en bestuur haar eie teetuin in die Bergh Kwekery. Sy is gelukkig en tevrede solank sy net genoeg tyd kry om te verdwyn na haar spesiale hoekie by die fontein. Tot haar skok en ontnugtering vind sy een aand iemand anders daar. By haar plek. Wat soek die stil en teruggetrokke buurman, André Grobler, snags in hulle tuin by haar fontein? Hoekom is hy hier waar sy is, nag na nag? En hoekom kan sy nie wegbly nie – wat is dit wat haar snags hierheen bring, net om hom hier te kry? Sal sy ooit verstaan wat dit is wat hom dryf? Sal sy kan verklaar hoekom sy aan die bewe gaan by die blote gedagte aan die aantreklike man met die versluierde oë?



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar