Kortverhale

Premium+ Lid Premium+ Lid
Deel hierdie werkstuk met jou Facebook vriende


Die woes skrywers en digter spring weg. Gestewel en gespoor. Penne en potlode agter die oor, van die gebeure moet op skrif gestel word, dit is in hulle bloed. Die Halfmarathon van die maand word met groot ywer aangepak. Zymrl weier volstrek om alleen te hardloop, die swart hond moet saam. Dit is ‘n rumoerige wegspring en die swart gedierte met sy doktersjas en stetoskoop om die nek, stuit nie vir die duiwel nie!

Vic Winterbach wil eers op vlug slaan. Vir beserings sien hy nie kans nie hy is allergies vir pleisters, die goed klou aan al wat hare is vas, pynliker om af te kry as die wonde self. Hy het die brief van Elvina in sy agtersak, hy moet net deurdruk. Met brandewyntert se liedjie: Die een se juweel is die ander se skaapkop en die swart hond met vleislus kort op sy hakke voel dit asof sy laaste dag aangebreek het. Sy agterhoede is skraps bedek met net die geleende broekie van sagte babawol en gebrei deur Joel, as skans teen die gevaarte agter hom Dit is dalk beter om die hasepad te kies, en vir Ben Brand te glo dat ‘n juweel vir ‘n arm man meer werd is as prysgeld en ‘n agterhoede soos ‘n sif. Goeie genugtig Rudi Coetzer het juis gister vertel: “Ek onthou hoe ons wolfhond met al twee en veertig tande korte mette met ‘n kat gemaak het, die kat het soos ‘n vergietes gelyk toe hy klaar was!”

Elvina het hom duidelik laat verstaan dat haar brief aan Jaques de Beer se broer en suster gerig is en nie iets moet oorkom nie. Hy wil nie deur die gedierte geskaakmat word nie, die hond is duiwelsslim en netnou is daar ‘n poolomwenteling en vlug die dier met haar brief. Hy gee pad voor die aanstormende hond voordat sy agterkant en Elvina se brief purperpers verkleur word en hy sonder die nodige bedekking die stryd verder moet aanvat.

Theo Malan is nie ‘n man wat wil agter bly nie, hy lê rieme neer agter Lente Lief aan, die kind met die mooi groen skewe katogies. As Zymrly se gedierte vandag wolfhond se gedagtes kry, moet hy gereed wees om haar by te staan. So in die hardloop weeklaag hy: “Zoro, My tyd om te kla is verby, die dood is op my hakke. Selfs die mooiste meisiekind in die distrik Daleen Enslin wat glo aan koue water en warm liefde, kan my nie meer red nie”

Jan skreeu brullend in die verbygaan: “Broers, dit is tyd dat julle julle seëninge tel, Zymrly se mensvreter is op julle hakke. Die swart hond dra ‘n wit jas vir ‘n blêddie goeie rede, skaapkop honger en bloedlustigheid.! As julle nie spoed optel nie hardloop die hele span nog more teen hoë nommers saam met Lorraine van der Westhuizen, die aarde se genade in stof!”
Paddaman trap hoog met die mooier as mooste paar bene! Hy steek vir de Villiers van Niekerk verby in die draai van die Halfmarathon, met ondervinding en uithouvermoë is hy nou voor.

Spoed word opgetel, die eindstreep nader. De Villiers van Niekerk met die Engelsman en die kaktus ter beskerming op sy rug, is ‘n kortkop agter Paddaman. Hy kyk om, slaan agteroor van skok. Die hond is op hom. Sy val word genadiglik gestuit. Rudi Coetzer en Theo onthou die storie van Gert Strydom se herinneringe vasgevang in die foto wat ‘n mens terugvoer na die dae toe die helfte van die Marathon atlete langs die pad dood neer geslaan het. Hulle het in rye gelê! Kop aan voete, voete aan kop vir kilometers vêr! Hulle vat die pad klouend agter die Kaktus rug aan. Die harige swart dood moet maar die voortou neem. Liewer ‘n paar dorings trotseer as om aan flarde langs die pad te lê.

In ‘n swerm sleepval hulle oor die wenstreep. Die helfte se oë feitlik heeltemal toegekoek en betraan. Dave wag hulle juigend in met heerlike bekers yskoue gemmerbier-lafenis om die wurgende modderklonte uit die kele weg te spoel. So wat van ‘n uitputtingstryd!

Toe die stof uiteindelik gaan lê word daar flink planne gemaak vir die volgende uitdaging!

Gaan lê……..Woes skrywers en digters ? Nie hulle nie!


Hier is die nuutste werk wat op Woes.co.za gepubliseer was 11April 2013:
Gedigte

Vlug (lees met toe oë) deur Vic Winterbach

eindspel deur Vic Winterbach

Haar brief deur ELVINA

Broer en Suster deur Jacques de Beer

Lief kind deur Theo Malan

Lente deur Theo Malan

Herinneringe is vasgevang deur Gert Strydom

Onthou deur Theo Malan

Skielik voer ‘n foto mens terug deur Gert Strydom

Ek onthou ( 3 ) deur RUDI COETZER

As dae vlug voor die son deur Gert Strydom

Koue water en warm liefde deur Daleen Enslin

My tyd om te kla deur Zorro

Juweel vir 'n arm man deur Ben Brandt

Haar geheim deur Excaliber Marox

Die swarthond dra 'n witjas deur Zymrly

Genade in stof deur Loraine van der Westhuizen

Tyd deur Excaliber Marox

Die Beker deur Excaliber Marox

GEBREI deur JOEL

Seeninge deur Jan v.d. Merwe
Gorrel

Die een se juweel is die ander se skaapkop deur Brandewyntert
Kortverhale

GEMMERBIER JOU JUWEEL !!! deur Ffeerg xuoreL

Halfmarathon met ondervinding: 'n 100 woord storie (23) deur De Villiers van Niekerk

MOOIER AS DIE MOOISTE deur PADDAMAN

Die Engelsman en die kaktus. deur De Villiers van Niekerk

Skrywers en Digters in 'n Woeste geveg. deur Ffeerg xuoreL
Rubrieke

Leer ford reg maak in die kerk deur Dave



Spaar Geld op Versekering

Lucky Lottos

Kommentaar

Halfmarathon
Deksels slim - ek het darem al ook 'n paar volmarathons geloop, oordentlik geklee en sonder Elvina se brief in die gatsak! En, ja, ek speel graag skaak maar is nie bang vir honne nie. Jy't amper 'n kolskoot geraai. Groetnis.

6 jaar 11 maande 1 week 3 dae 20 ure oud



Kruispad

deur Manie Jackson

Toe Luzette en Manie se paaie gekruis het, en die lewe daarna.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar