U woord sê U ken my by die naam
tot die hare van my hoof is getel
reg deur my nietige menselewe
is daar soveel goed om van te vertel

loof en prys U Almagtige naam
groot bo alles in die ganse heelal
deur riviere en storms van die lewe
dra en beskerm U ons almal

omdat U my oneindig liefhet
en ek kostelik is in U oë
skenk U dan die Losprys
al is ek deur sonde neergeboë

groter, meer kosbaar as twee mossies
is U genade onbeskryflik wyd en groot
U liefde vir my as sondaar, nietig mens
voorsien U ook ons daaglikse lewensbrood

daarom sal ek geen verdere onheil vrees
want U Vader het my aan kruis verseker
ek is meer werd as ‘n suiwer of mossie
so herinner U my by die Nagmaalsbeker

© Anzé Bezuidenhout