Hoeveel liedjies in my kitaar
Hoeveel bootjies moet ek laat vaar
Hoeveel kere moet ek lieg
of moet ek bieg en sê: “Ek’t jou nog lief”

Hoeveel gedigte moet ek skryf
Bedrieg met wit seile wat ek hys
woorde toegesluit in ‘n kas
of moet ek wag totdat dit jou eendag pas

O die pad is glad
O my oë is nat
Ek sien die liewe lewe het
my kitaar se hand gevat

Hoeveel bootjies in die baai
Laat die wind waai waar die wind wil waai
woorde toegesluit in ‘n laai
gelaai met jou in elke blaai

Hoeveel dinke moet ek dink
voor ek half-dronk in dink verdrink
Na hoeveel hope hoop moet ek na gryp
voordat sy besluit om om te kyk


O die pad is glad
O my oë is nat
Ek sien die liewe lewe het
my kitaar se hand gevat


O die pad is glad
O my oë is nat
Ek sien die liefde het
my kitaar se hand gevat