Musiek & Lirieke

Premium+ Lid Premium+ Lid
Deel hierdie werkstuk met jou Facebook vriende

‘k proe jou naam
in die wasem van
purperwinde wat
soos engelvlerke
oor duinesand
vloed

in soet reuk van
wilde jasmyn en
blou vergeet-my-nietjies
maak ek gerwe
doudrup-onthou
met kringe van ‘n
fluweel son vas

'n kyk gevul met
heide-drome wat
laatmiddag deur
oker-wolke huppel
so die horisonbeker
in my irisse oorvol
te skink

soetklanke van
nagmusiek speel
saggies ‘n sielslied wat
my hoor minlik tokkel
op klanke van geswelde
oorryp pers druiwetros

‘wyl die vat van jou hand
my weereens na ‘n land
van melk en heuning lei

© Anzé Bezuidenhout



Spaar Geld op Versekering

Lucky Lottos

Kommentaar

sintuie
Baie, baie mooi julle. Die musiek pas pragtig by die gedig, Willie
4 jaar 2 weke 3 dae 12 ure oud


Jy prikkel my sintuie
baie dankie Willie vir hierdie pragtige voorlesing
4 jaar 2 weke 3 dae 16 ure oud



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar