Musiek & Lirieke

Premium+ Lid Premium+ Lid
Deel hierdie werkstuk met jou Facebook vriende

ons steek vanaand die kerse aan
wyl ons harte weer gedenk
die stal, die krip en die baba
(nog nóóit 'n groter geskenk)

ons dink aan Maria en Josef
en aan 'n Betlehem daar vêr
hoe die heilige nag verlig is
deur die skittering van 'n ster

ons verlang weer na die vrede
en die wonder van 'n Kind
~ wat eens vir ons gebore is ~
in sagte doeke toegebind

hoe graag wil ons soos eng'le wees
wat met vreugd' U lof besing
en soos nederige herders
wil ons U skape huis toe bring

want onder hierdie Suiderkruis
is onse voete moeg geloop
en smag ons na verlossing, Heer
mank aan liefde en aan hoop

maar vanaand lui ons die klokke
en glo ons weer – Immanuel
uit die hoogste hemel hoor U
hoe prys ons U in Brackenfell

*

o, Here, dis weer Kersfeestyd
mag ons die boodskap nooit vergeet
en laat ons harte ewig jubel
oor dié kind, wat Jesus heet




C. Shaw
23 November 2015



Spaar Geld op Versekering

Lucky Lottos

Kommentaar

***
Pragtige gedig, Carma en so mooi aangebied op YouTube. Dankie, daarvoor, Willie -- puik idee.
3 jaar 11 maande 1 week 5 dae 1 uur oud


Kersfees
Een van die mooiste kersgedigte wat ek lanklaas gelees het.
3 jaar 11 maande 1 week 5 dae 4 ure oud



Weerloos

deur Maangodin

Eroties Afrikaans - sodat ons in ons eie taal geprikkel kan word.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar