Musiek & Lirieke

Premium+ Lid Premium+ Lid
Deel hierdie werkstuk met jou Facebook vriende

waar die kyke
van jou onthou
hul te pletter loop
soos branders
teen skurwe rotse
kom bars bruidskuim
van gister in kleure
van verbleikte blou

in die moegloop
van eens sterke krag
verflou jou raakvat
soos terugtrek skuim
oor verlate skulpiestrande
met na-laat stoppels
van vergete
seebamboes

as jou stem in dorheid
moedeloos kras-breek
soos die kloof van 'n dooie see
na verstarde woorde
om droogvoet
na verstaan
te beur

‘wyl skarlakenson
oor ‘n onbekende more
opnuut oopbreek

© Anzé Bezuidenhout



Spaar Geld op Versekering

Lucky Lottos

Kommentaar

Pa
Baie dankie Willie vir hierdie pragtige voordrag ek waardeer opreg
3 jaar 10 maande 1 week 5 dae 4 ure oud



Volg net die Skoenlappers

deur Anria

Volg net die skoenlappers ... Binne jou hart is daar vrolike fladderende skoenlappers. Vir elke gevoel, ’n skoenlapper van ’n ander kleur. Wanneer jy gelukkig is, vlieg jou skoenlappers vrolik en vry rond net waar hulle wil wees. Hulle vlieg buite jou hart en reis die wêreld vol. Hulle bring vir jou geluk terug. Nou en dan ontmoet mens iemand wat jou skoenlappers vang en in ’n hok sit. Die helderkleurige skoenlappers vervaal dan ... hulle raak dof en vol stof en as jy nie self besluit om die hok se slot af te breek en jou skoenlappers weer los te laat nie, word hulle almal swart. Maar sodra die son weer ingelaat word, sodra ’n ligte windjie oor die swart skoenlappers waai ... sal die stof sommer self besluit om af te klim en jou skoenlappers se vlerke sal groot oop sprei en hulle sal weer die wêreld invlieg en jy ... dan sal jy weer weet hoe om te lag. Daar is altyd hoop.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar