KOOR:
ek stap deur die strate
van verlange
strate van gister
van verandering

VERS 1:
loer in by die vensters
van ‘n ou geleefde restaurant
herhaal weer die stories
van jeugdige skandes

steeds opsoek na die boom van goed-en-kwaad
sien eva in die donker staan
hoor die benoude kreet
roep sy adam of my naam

KOOR:
ek stap deur die strate
van verlange
strate van gister
van verandering


VERS 2:
op die hoek van sodom en gemorra
huiwer ek, ek wandel nie alleen
in die straatlig gereflekteerd
my gewete kan my nie keer

in die lug huiwer stilte
proe die rooiwyn proe die gees
vind ‘n doodloopstraat in eva se arms
die soet geur van warm waters

BRUG:
voor my skuil
die donkerte al-om
net ek, net ek en jy
eva, vanaand
sal die wysheid kom

KOOR:
ek stap deur die strate
van verlange
strate van gister
van verandering


VERS 3:
eva, hier staan ek steeds
my voete vas gesteen
staar ek in die donker
jou silhouet sal ek bly bewonder

ek stap verby die vensters
van ‘n ou geleefde restaurant
hoor jou stem se draal
roep jy adam of my naam

KOOR:
ek stap deur die strate
van verlange
strate van gister
van verandering