Soos moedernatuur
haar seisoenkalender blaai
so ook ons gevoelens
wat op en af skoppelmaai

Soos droë bruin blare
ritselend breek en kraak
roteer vier seisoene
in harte wat ontwaak

Met aanvang van wind
wat blare een-een pluk
hul rondomtalie dartel
tot waar hul ‘n eie plek
in die boomkoelte vind

Vorm skilderkwas van natuur
helder ineengevlegde tapyt
verkleur rooi-geel na bruin
verdor verf se kleur mettertyd

Heelwat later deur krag en mag
deur hark gevorm in kosmoshoop
natuur eindelik nou kaalgestroop
word daar slegs op vaalgrys geloop

Maar die heerlike nuwe lente
is binne bereik net om die draai
sorge en hartseer reeds weggewaai
bot nuutgevormde bloeisels sterk
wanneer Hy met ons binnetuin werk