Wanneer die woorde “romantiese komedie” gebruik word om ‘n fliek te beskryf, moet ‘n mens maar versigtig wees. Hierdie fliek handel oor ‘n vrou wat haar na oggend-TV wend omdat sy haar werk verloor het. Die storie verloop baie glad volgens ‘n bewese patroon en is hier en daar selfs snaaks. Andersins in dit wollerig en geforseerd, met baie min om die lyf. Harrison Ford, Rachel McAdams, Diane Keaton en Patrick Wilson vertolk die hoofrolle. Hierdie is ‘n flossie-fliek wat net betyds is vir Valentynsdag – dit op sigself spreek boekdele.