Titel: Inception

Hierdie is seker een van die beste aksie/wetenskapsfiksie-flieks wat in jare vervaardig is. Dit handel oor ‘n toekoms waarin die tegnologie bestaan wat ander in staat stel om geheime in mense se drome te gaan opdelf. Regisseur Chrisopher Nolan, (sy laaste projek was Dark Knight), is nog baie jonk, maar hy het ‘n duidelike visie van dit wat hy wil vermag. Dit help nogal wanneer ‘n mens ander moet vermaak. Die fliek is visueel ongelooflik goed en intelligent, hoewel van die karakters hier en daar ietwat onderontwikkel is. Leonardo DiCaprio vertolk die hoofrol. Noudat hy ‘n bietjie ouer is, is hy glad nie onaansienlik nie - en sy spel is uitstekend. Gaan kyk gerus hierna, dit is heerlike vermaak. Indien jy egter die IK van ‘n brood het, bly weg want jy gaan niks verstaan nie.