Resensies

Bladsye:
Premium+ Lid Premium+ Lid
Deel hierdie werkstuk met jou Facebook vriende

Die subtitel kon gewees het: Blaaie uit die dagboek van ‘n deugniks.

Niko, so twintig, dertig jaar oud, is  niks en het niks en veral het hy geen doel in sy lewe nie. Hy dwaal, soos iemand in die wagkamer wat deur ‘n tydskrif blaai, van een insident na die volgende. Hy ontmoet ‘n ry mense een na die ander en na ‘n paar minute dryf hy weg na die volgende oponthoud. Onwillekeurig, willenloos. Maar hy is nie sonder wens nie: Die enigste wens wat hy uitspreek, is om ‘n koppie koffie, wat hy eers aan die einde van ‘n lang frustrerende dag kry. Dan is dit waarskynlik al tyd vir die môrekoffie van die volgende dag.

.

[   Oh, BOY, Duitsland 2012 – Boek / Regie: Jan Ole Gerster. Kamera: Philipp Kirsamer. Met: Tom Schilling en ‘n hele reeks toptoneelspelers, s/w, 85 Minuten.   ]

.

Eintlik, sê die duitse resensente, is die tweede hoofspeler Berlyn. Niko is „Berliner” (nie soos John F. Kennedy nie, maar eg), en hy ly onder ‘n besondere chronische siekte – dat hy Berlyner is. Dis ook ‘n besonderse volkie: Treurig-melancholies, vertwyfeld of twyfelend oor alles en nogiets. Altyd is daar een van die twee miljoen wat jou tyd steel, wat sy „storie” wil vertel; of jy moet met iemand „gaan praat”; nooit kry jy ‘n paar rustige oomblikke vir jouself nie. So haas hy van die een afspraak na die ander ontmoeting heen en weer oor en deur en onder Berlyn, altyd in markante of tipiese plekke, huise, strate, U-Bahn-stasies, parks of aan hulle verby. Jy kan dit nie mis nie: Jy’s in Berlyn.

   Dis ook (miskien veral) die verhaal van ‘n jong mens wat sy pad wil baan, Die gesegde lui mos: Die weg is die doel. En wat as daar geen weg is nie? Die moderne jong Europeers, wat uit die skool in die werklosigheid ontslaan word, het 'n swaar las om te dra. Die houding is ongeveer: Makiesakie wat ek aanpak, dis verkeerd. Wat sal ek doen? Dis ook die houding van die tieners, die pubertêres. Maar hy is mos amper dertig. 'n Laat-puberterende sê mens.

    Sy beste (enigste?) vriend is seker al veertig, toneelspeler, na bewering een van die bestes uit sy kursus aan die Akademie, maar hy’s 'n taxibestuurder en wag vir 'n passende rol. Saam besoek hulle  die rolprent-produksie van 'n medestudent en 'n mal opvoering van 'n moderne „daarbieding”. Katastrofaal!  Niko het twee jaar gelede met sy studie aan die „Uni” opgehou, sy vader ontdek dit en draai die geldkraan toe. Wat nou, wat nou?

.

Verskeie regisseure het hierdie tema op verskeie maniere opgeneem (Kyk bv. Na my resensies van „Die Huis op Korsika”, „Die Muur” en „Anonieme Romantikusse”), en elkeen stel dit anders daar. Jan Ole Gerster het dit in sy eerstlingsfilm  so daargestel dat die hoofkarakter nie stom is nie maar min praat omdat hy niks het om te sê nie. Hy verstaan eenvoudig nie die wêreld nie. Hy lewe na so-en-soveel male omtrek nog altyd uit die omtrek­kartons. En môre gaan dit dieselfde wees en oormôre en oor-oormôre,...

   As, dit wil sê, ás hom niemand 'n ruk gee nie. In die laaste tonele ontmoet hy 'n ou man wat na sestig jare teruggekom het en sien dat alles anders is, die ou huise gesloop, die mense van doerietyd gestorwe, niks meer daar nie, niemand. As hy buite op die sypaadjie voor die kroeg omval en hospitaaltoe gebring word, word Niko aktief. As die verpleegster die boodskap in die wagkamer bring dat hy gesterf het, naamloos, sonder vriende of verwandte, kom daar vrae by Niko op: En ek? En ek, hoe lyk ek in sestig jaar van nou?

   Dis swaar-verteerbare kos. Daar ís ligte momente, menige tonele is rêrig skurriel en ons hét gelag. Maar alles skyn so af te gly in die modderplas. Hopeloosheid word uitgebrei.

   Duitse resensente het ge-oe en ge-aa vir die mooi tonele in Berlyn, maar dit kon netsogoed in Kaïro of Shanghai of New York of Canberra of München opgeneem gewees het. Nie 'n kunsvolle daarbieding nie, maar 'n slim saamgestelde gevalstudie uit die leerboeke vir psigologie en sosiologie.

©.2013.________________________c]:o(-----(o;[>____________________________.tje



Spaar Geld op Versekering

Lucky Lottos

Kommentaar

Jeug van vandag
Aan Corina,
dis jawel die vraag der vragen, nè?
Wie gesels saam as ek iets daaroor opstel?
5 jaar 11 maande 3 weke 5 dae 13 ure oud


OH BOY
Ek is nie 'n kenner op die gebied van film nie, so ek praat maar oor wat ek aflei van wat jy skryf. Ja, OH BOY OH BOY! Die jeug is hier ook in dieselfde skuitjie...hoe gaan die wêreld oor 10-20 jaar lyk?
5 jaar 11 maande 3 weke 6 dae 9 ure oud



Nuutste werk ingestuur binne die afgelope 7 dae


    Geborg deur :

    Van ons ander lede

    Inge

    deur Rachelle du Bois

    Inge Bergh is ‘n suksesvolle sakevrou. Sy besit en bestuur haar eie teetuin in die Bergh Kwekery. Sy is gelukkig en tevrede solank sy net genoeg tyd kry om te verdwyn na haar spesiale hoekie by die fontein. Tot haar skok en ontnugtering vind sy een aand iemand anders daar. By haar plek. Wat soek die stil en teruggetrokke buurman, André Grobler, snags in hulle tuin by haar fontein? Hoekom is hy hier waar sy is, nag na nag? En hoekom kan sy nie wegbly nie – wat is dit wat haar snags hierheen bring, net om hom hier te kry? Sal sy ooit verstaan wat dit is wat hom dryf? Sal sy kan verklaar hoekom sy aan die bewe gaan by die blote gedagte aan die aantreklike man met die versluierde oë?



    picture

    Kompetisies

    Kyk watse opwindende kompetisies tans beskikbaar is

    picture

    Nuusbriewe

    Registreer nou om nuusbriewe van Woes te ontvang

    picture

    Winkel

    Woes skrywers wat self publiseer se boeke is in die winkel beskikbaar