Titel: Salt

Hierdie is ‘n spioenasieriller met meer as een komplot, dreigende atoombomme, sluipmoordenaars en een te veel spioenasiemolle. Hoewel dit goed met die Jason Bourne-tipe flieks vergelyk, kry ‘n mens die idee dat die skrywer eerder ‘n aksiefliek wou skryf, maar plek vir Angelina Jolie moes maak; en Tomb Raider was reeds vervaardig. Ek is seker outyds in dié verband, maar ek weet nie of vrouens so maer soos Jolie werklik in staat is om mans só op te voeter nie. Ek dink een goeie hou sal ‘n been breek. Dit is die enigste fliek wat hierdie week vrygestel word wat ‘n mens kan oorweeg om geld op te spandeer – maar dit sê nie veel nie. Sonder Jolie en Liev Schreiber sou daar nie veel aantrekkingskrag gewees het nie.