Die fliek handel oor ‘n Hoof-Adjudant-Offisier in die Amerikaanse Leër wat getaak work om wapens van massaverdelging in Irak op te spoor. Hy kom gou agter hulle is op ‘n dwaalspoor en omdat hierdie ouens gekies word a.g.v. die feit dat hulle iets tussen die ore het, stel hy self ondersoek in. Die fliek is meesterlik daarop gemik om te wys hoe skynheilig die Amerikaanse regering en hulle verskillende sekerheidsorganisasies werklik is. Die ergste van alles is dat troepe daarvoor moet sterf. Matt Damon vertolk die hoofrol en hoewel ek nog nooit mal oor hom was nie, pas hy uitstekend in hierdie rol, omdat hy dit op ‘n onbeklemtoonde manier benader. Lekker vermaak, maar nie vir dowwe dollas nie.