Dié fliek is weer vervaardig na aanleiding van ‘n vorige kunsfliek met dieselfde naam. Dit handel oor ‘n vrou wat gearresteer word vir ‘n moord wat sy sê sy nie gepleeg het nie. Nadat sy drie jaar van haar vonnis uitgedien het, het haar man drie dae tyd om haar ontsnapping te beplan en uit te voer, omdat hy dink sy gaan selfmoord pleeg. Russel Crowe vertolk die hoofrol en hy probeer sy bes, maar die fliek verleen geen hulp aan sy vertolking nie. Dit is oor die algemeen nie swak nie, maar is onoortuigend en is plek-plek baie tydsaam. Dis nie een van regisseur Paul Haggis se bestes nie. Liam Neeson en Brian Dennehy is ook te sien.