Rubrieke

Deel hierdie werkstuk met jou Facebook vriende


Elke huis, het sy kruis.


Hoekom is mense vir jare getroud, en dan besluit hulle, dat hulle nie meer vir mekaar bedoel is nie? Ek kan dit nie begreip nie, daar is mos daardie iets spesiaals in daardie persoon, wat julle op een of ander tyd, nader aan mekaar getrek het. Wat het van daardie wonderlike tye geword, hoe kon dit dan net verdwyn het? Word ‘n ou maar net een oggend wakker, en besef, die persoon langs jou, is ‘n “vreemdeling?”

Daar’s seker maar baie redes waarom mense besluit om hul lewens maat “in te ruil”, vir watter rede dit ook al mag wees, dit maak nie vir my sin nie! Ons almal raak seker een of ander tyd moeilik en /of kwaad, vir ons lewens maat, maar wat dryf twee persone, so ver van mekaar, dat daar besluit word, om maar liewer tou op te gooi?

Ek ken mense wat vir jare, en as ek praat van jare dan praat ek van tien tot twintig jaar, hul huwelik opgegee het. Is daar dan geen salf meer aan te smeer nie? Wat het geword van huweliks beraders, en vele ander professionele persone, wat dalk so ‘n huwelik kan red? Wat het geword van ons geloof, in mekaar? Kan ons nie maar erken, dat, een van ons ‘n fout gemaak het, en dit te probeer oplos, sonder om so ‘n swaar en moeilike besluit te maak, om alles te beëindig nie?

Miskien sal iemand sê, “Jy verstaan nie”, of “Wat weet jy tog”, wel jy’s reg, ek verstaan nie, en ek weet tog nie!

Hoekom is daar dan huweliks maats, wat hul lewe lank gelukkig is, en die regte resep ontdek het, om nog net so gelukkig te wees, soos daardie eerste dag toe hulle mekaar ontmoet het?

Ek wil nie eers dink aan die kinders wat betrokke is, by so ‘n paartjie se besluit nie. Ek het al van daardie verskonings van ouers gehoor, “dit is nie jou skuld nie. . .”, ons is nie meer lief vir mekaar nie. . .”, “ons het alles probeer, om hierdie huwelik te red, maar. . .”

Wat maal deur so ‘n kind se gedagtes, wanneer hy/sy sien, dat sy/haar huis opgebreuk word, deur die twee mense wat juis sy/haar anker in die lewe moet wees? Voel daardie kind nog steeds veilig, beskermd en doelgerig vir die lewe?

Ons voel miskien, ons het genoeg van mekaar gehad en dat niks meer ons huwelik kan red nie, wel meneer/mevrou, het ons regtig alles probeer?



Spaar Geld op Versekering

Lucky Lottos

Kommentaar

Elke huis het sy kruis
Kom ek verduidelik dit vir jou. Of vra jou liewer. Sal jy met iemand getroud bly as hy jou slaan en 'n rewolwer teen jou en jou kind se kop druk as julle stry kry. En sal jy by iemand bly wat jou kos en huishuurgeld vat om vir hom en sy pêlle se drugs en plesier te betaal? Vra maar net, want dis van die redes hoekom ek geskei het.
Groete
Koekoe
11 jaar 5 maande 1 week 4 dae 16 ure oud


Elke huis het sy kruis
Buksie, ek stem gedeeltelik met jou saam. Maar wat ek ook al soveel kere vantevore gesê het, mens kan nie veralgemeen nie. Ek kom uit 'n gelukkige huis uit, my ouers is al 36 jaar getroud en nog so verlief soos 36 jaar terug. Maar dis nie meer so maklik soos daardie jare nie. Al hoe meer mense trou vir die verkeerde redes en dis hoekom daar so baie egskeidings is. Dis nie 'n kwessie van "nie meer lief nie" maar eerder "was nog nooit lief nie". As jongste sussie van 6 kinders, het ek ook ervaar hoe twee van my ouers susters deur 'n egskeiding moes gaan en daar was ook kinders betrokke, daardie kinders is vandag beter af as wat hulle sou gewees het indien daardie huwelik gered sou word!

My ouers se huweliks resep was eenvoudig: those who pray together stay together! Ek beplan om dit in my voorgenome huwelik te gebruik. Ons weet nie altyd wat ander se omstandighede is nie, daarom bid ons ook vir ALLE huwelike.
14 jaar 5 maande 1 week 1 dag 3 ure oud



Nuutste werk ingestuur binne die afgelope 7 dae


Geborg deur :

Van ons ander lede

vir koeitjies en kalfies

deur Doret Johnstone-Robertson

'n Lekkerleesboek met kort stories vol liefde, spesiaal vir vrouens en kinders.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar