Rubrieke

Deel hierdie werkstuk met jou Facebook vriende

"Min Afrikaanssprekendes tussen 18 en 25 jaar begryp wat ek skryf. Min van hulle kan 'n sintakties verwikkelde saamgestelde sin vlot lees of begryp" sê Marlene van Niekerk in vandag se Burger.
Ek stem heelhartig met haar saam. Ek met my Afrikaans-Nederlands as hoofvak op universiteit, hoewel, many moons ago, sukkel om haar soms te verstaan en ek dood oor haar boeke.
Hoe kan ek dan verwag dat my volwasse kinders haar werke dan verstaan?
Indien leesstof nie op 'n elektroniese medium is nie, lees hulle dit eenvoudig nie. Ek is bevrees die kwaliteit van jongmense se leesstof, is aan die afneem.
Lesers van meer literêre werke is volgens my, aan die afneem met 'n rasse skrede. Is die standaarde dalk te hoog? Is dit omdat die spreektaal soveel van die ou leestaal begin verskil?
Hoeveel mense lees LitNet en hoeveel lees Woes en wat is hulle ouderdomme? Ek brand om te weet.
Die swak kwaliteit van sommige tydskrifartikels laat mens inkrimp van verleentheid, maar ten minste is dit verstaanbaar.
Sommige skryfskole skryf sonder omhaal voor:
Skryf soos jy praat... al is dit engelse woorde tussen-in. Dit hoef nie eers in kursief geplaas te word nie.
My ondervinding is dat daar ook nie eenvormigheid oor hierdie punt bestaan nie. Dit maak dit alles net verwarrend vir ons ander klompie tussen-in.
Die voorlegging van statistieke sal ook behoeftes in die nismark ontbloot.
Ons is trots op ons skrywers soos Marlene en saam bly met haar sukses in die buiteland.
Laastens, mag die gedrukte woord asseblief ook nooit uit die mode uit raak nie.



Spaar Geld op Versekering

Lucky Lottos

Kommentaar

al wat ek weet van kinders vandag


. . . . is dat hulle regtig nie vlot kan lees nie;
gladnie kan spel nie;
nie hulle tafels ken nie

lyk my dis landoor dieselfde?
7 jaar 9 maande 2 weke 3 dae 21 ure oud


'n Regte boek het 'n gevoel daaraan. Iets spesiaals. Ek het groot geword met waardering vir boeke. Jy het nie 'n boek verniel, geskeur of bekrap nie. Tot vandag het ek 'n kleintjie dood daaraan. Ek kan steeds nie oor my hart kry om enigiets anders as my naam voor in 'n boek of Bybel te skryf nie. Om 'n boek te lees, leer jou om te spel. Dit leer jou om korrek te skryf. Almal hoor nie reg, praat nie reg ens., daarom kan ek nie skryf soos ek hoor nie. My brein moet 'n korrenksie-filter gebruik....
Ek hoor en voel wat jy hier sê, en ek het dieselfde gevoel. Maar, elkeen moet seker maak soos hy/sy goed voel aangesien die reëls ook nie meer volgens 'n vaste reël loop nie.
7 jaar 9 maande 2 weke 3 dae 21 ure oud


Opinie
Ek weet nie of mens regtig swartgallig moet raak oor hoe en wat kinders deesdae lees nie. Toe ek nog op skool was het ek die indruk gekry dat die meerderheid kinders geensins belang gestel het in enigiets lees nie en dit was voor rekenaars en selfs voor TV. Nou lees dieselfde tipe kinders darem al die instruksies in games en skryf selfs al self iets al is dit per SMS. My eie seun het nie belanggestel in lees nie en tog het hy die boeke binne in sy gunsteling speletjie versamel en gelees en dit het hom werklik gehelp om beter te leer lees. Ek dink nie die meerderheid het al ooit (sedert die meerderheid wel kan lees en skryf) belang gestel om groot literêre werke te lees nie.
7 jaar 9 maande 2 weke 4 dae 11 ure oud


Dankie
vir hierdie skrywe. Boeke bly bobaas...volgens my. Ek het wel seker gemaak dat my kinders dit ook waardeer.
7 jaar 9 maande 2 weke 4 dae 13 ure oud



Van ons ander lede

Sonsoene

deur Doret Johnstone-Robertson

In hierdie versameling verse is daar telkens verwysings na die natuur: die son, die maan, die sterre, blomme, seisoene; en ook na God - die bron van inspirasie, vrede en vreugde.



picture

Kompetisies

Kyk watse opwindende kompetisies tans beskikbaar is

picture

Nuusbriewe

Registreer nou om nuusbriewe van Woes te ontvang

picture

Winkel

Woes skrywers wat self publiseer se boeke is in die winkel beskikbaar