Titel: Beoordelaars vir dig kompetisie

---

MARLIZE LEYDEN is die voormalige redakteur van TG (Taalgenoot, die ATKV se maandelikse tydskrif). Hoezit!, ’n opwindende nuwe kindertydskrif, is ook haar breinkind. Sy het ’n meestersgraad aan die Universiteit van Leuven in België verwerf waartydens sy onder andere in Skryfkuns en Afrikaanse en Nederlandse poësie gespesialiseer het.

FANIE VILJOEN is nie net die wenner van die Sanlam- en M.E.R.-prys vir jeuglektuur nie, maar sy briljante boek BreinBliksem is een van die min Afrikaanse publikasies wat in Engels vertaal word vir verspreiding in die buiteland. Daar is ook sprake van ’n film wat gebaseer is op dié boek.

ILSE SALZWEDEL is ’n vryskutjoernalis vir verskeie publikasies. Sy is verlede jaar deur die FAK bekroon met die H.B. Thom-toekenning vir haar volgehoue bydrae tot Afrikaanse joernalistiek. In 2008 het sy ’n Pica-toekenning vir die beste tydskrifartikel van die jaar verower, asook ’n ATKVeertjie vir die beste tydskrifjoernalis in 2006.