Titel: Digkuns slypskool en Woes galaa-aand

---

Komende Saterdag, 22 November, is daar groot dinge aan die gebeur in die Woes-wêreld. Kom ontmoet al die Woesters! Waar anders gaan julle mekaar van aangesig tot aangesig kan sien?

Die eerste is die digkuns slypskool, as jy enige gedigte het wat jy dink regtig potensiaal het kan jy opdaag met dit en saam met Prof. Ian Raper aan jou werk skaaf. Dit skop 08:30 af en sal tot 15:00 duur. Die koste van die slypskool beloop R400 en jy moet jou gedig op ‘n geheuestokkie bring sodat ons dit finaal kan uitdruk nadat daar aan dit geskaaf is. Bring ook ‘n paar gedrukte voorbeelde saam. Dit sluit 2 x koffie en koekies in asook ‘n middagete.

Die Woes gala-aand is die groot prysuitdeling vir die digkuns kompetisie wat verlede week tot ‘n einde gekom het. Vingerhappies en sjampanje sal bedien word. Koste van die gala-aand beloop R160. Al is jy nie ‘n wenner in die digkompetisie nie of selfs al het jy nie ingeskryf nie kan jy dit gerus kom bywoon. Ek sien uit om saam met almal te kuier en te ontmoet.

Die slypskool asook die gala-aand word by die hAP gehou en die adres is 116 Venterstraat Capital Park, Pretoria. Die drag is netjies informeel. Gelde kan in die volgende rekening betaal word:

Kahuna Mobility Solutions
Standardbank
Potchefstroom
Takkode: 052838
Rekening no: 030543088

Stuur asseblief jou bewys van betaling aan digters@woes.co.za of faks dit na 011 507 5042.

Alles in ons vermoëns is gedoen om die kostes so laag moontlik te hou om dit oop te stel aan AL die Woes skryf en besoekers.