Titel: Klein advertensies?

---

‘n Paar mense het my al genader rondom advertensies op Woes maar dan is dit goed soos trourokke en al sulke klein dingetjies. Dit is moeilik om dit te adverteer as die persoon nie enigsins ‘n webwerf het waarheen banier advertensies kan kliek nie.

Ek sit en dink dat ons dalk klein advertensies moet doen, of in die nuusbrief of op WoesBlog.com. Ek het dan ek iemand nodig om dit te bestuur. Om elke week al die klein advertensies in een epos te sit en aan my te stuur. Die klein advertensies sal natuurlik gratis wees, maar die rede hoekom iemand dit moet bestuur is omdat mense nie laat weet as iets verkoop is nie en dan wys daar dinge te koop wat lank nie meer is nie. So elke persoon sal elke week hulle advertensie op nuut moet instuur.

Hierdie is tans net ‘n idee wat ek toets. Daar gaan definitiewe riglyne wees rondom dit wat toegelaat gaan word, ek gaan nie besighede die kans gee om daar gratis te adverteer nie. Vir kommentare en voorstelle rondom hierdie idee kan jy ‘n epos na web@woes.co.za stuur.